ОБЕГ: 32 иргэний аюулгүй байдлыг ханган, цасанд суусан 24 автомашиныг татаж гаргав

Нийслэлийн Багахангай дүүргийн 1, 2 дугаар хорооны замд 24 автомашин цасанд суусан гэх дуудлагаар Багахангай дүүргийн Онцгой байдлын хэлтсийн Гал түймэр унтраах, аврах 80 дугаар ангийн бүрэлдэхүүн шуурхай ажиллаж, 32 иргэний аюулгүй байдлыг ханган, цасанд суусан 24 автомашиныг татаж гаргалаа.

Иймд:
-Хол, ойрын замд гарахдаа автомашины бэлтгэл, бэлэн байдлыг хангах,
-Цаг уурын болон холбогдох мэргэжлийн байгууллагаас өгч байгаа заавар, зөвлөмжийг дагах,
-Бага насны хүүхэд, хөгжлийн бэрхшээлтэй иргэн болон өндөр настай иргэдийн аюулгүй байдлыг хангахыг анхааруулж байна.