БНХАУ хилээ нээхтэй холбоотойгоор ГХЯ-наас мэдээлэл хийлээ. Нэгдүгээр сарын 08-наас БНХАУ хилээр нэвтрэхийг сэргээж буй.
ГХЯ-ны Хөрш орнуудын газрын захирал Р.Алтангэрэл: БНХАУ олон улсын зорчигч тээврийн хөдөлгөөнийг нээж байгаатай холбогдуулан манай улсын Засгийн газраас авч хэрэгжүүлэх арга хэмжээний талаар мэдээлэл өгье. Замын-Үүд-Эрээн авто замын боомтын зорчигч тээврийн хөдөлгөөнийг гурван жилийн дараа буюу 2023 оны нэгдүгээр сарын 8-ны Ням гарагийн 08:00 цагт нээнэ.
- Монгол Улсаас БНХАУ-д зорчих иргэд явахаасаа 48 цагийн өмнө PCR шинжилгээний сөрөг хариутай байх ёстой. Коронавирусийн халдварын халуурах зэрэг шинж тэмдэг илэрсэн болон PCR шинжилгээний хариу эерэг гарвал Хятадын хилээр нэвтрүүлэхгүй.
- БНХАУ-ын гаалийн аппликэйшныг ухаалаг гар утсаараа эсвэл цаасан хэлбэрээр англи болон хятад хэл дээр бөглөж, урьдчилан мэдүүлсэн байх ёстой. Нэгдүгээр сарын 8-ны өдрөөс 8 хүнээс доош суудалтай, 20 машиныг хилээр нэвтрүүлнэ. Ингэхдээ тээврийн хэрэгслийн жолооч болон тээврийн хэрэгслийн мэдээллийг Хятадын талын түншээрээ дамжуулан тус улсын гаалийн байгууллагад урьдчилан бүртгүүлнэ. Хуучин загварын "УАЗ-469" маркийн машиныг хил хооронд ашиглахгүйг Хятадын талаас мэдэгдсэн. Учир нь тус улсын тээврийн хэрэгслийн стандартыг хангахгүй гэж үзсэн. "УАЗ-469" маркийн машинд хэт их ачаа ачиж явдаг гэх үндэслэлээр Хятадын талаас хориглосон. Монгол Улсад ирж буй гадаадын иргэд эрүүл мэндийн асуумж бөглөж нэвтрэх юм.
Бичлэгээр үзэх:
Сэтгэгдэл (0)
Сэтгэгдэл бичигдээгүй байна