Сүхбаатар аймгийн нэгдсэн эмнэлгийн эмч нар 2022 оны 12-р сарын 05-нд нохойд уруулсан иргэдэд галзуу өвчнөөс сэргийлэх вакцин хийх гэж байхдаа андуурч сүрьеэ өвчний эсрэг вакциныг 11 хүнд тарьсан гэх мэдээлэл байгаа юм. Тэдгээр иргэдийн дунд 8 болон 12 настай хоёр хүүхэд байжээ.
Бид уг асуудлаар Сүхбаатар аймгийн нэгдсэн эмнэлгийн дарга Д.Мөнхзулаас тодруулахад: " Галзуу өвчнөөс сэргийлэх вакциныг иргэдэд хийх гэж байгаад андуурч, сүрьеэгийн вакцин тарьсан нь үнэн. Бид уг асуудалд хяналт, шалгалт тавьж ажиллаж байна. Вакцинд хамрагдсан иргэдийн биеийн байдлыг хяналтад авсан байна. Одоогоор иргэдийн биеийн байдал хэвийн байгаа. Аймгийн нэгдсэн эмнэлгээс иргэдийг ирэх зургаадугаар сар хүртэл тогтмол хяналтад байлгана" гэлээ.
Сэтгэгдэл (0)
Сэтгэгдэл бичигдээгүй байна