Улсын хэмжээнд томуу, томуу төст өвчний дэгдэлт "Улбар шар" түвшинд байна

ХӨСҮТ-өөс өнөөдөр /2023.01.10/ цаг үеийн асуудлаар мэдээлэл өглөө. Энэ үеэр ХӨСҮТ-ийн дэд захирал Ж.Байгалмаа томуу, томуу төст өвчний нөхцөл байдал, орны ачаалал, орчилд байгаа вирусийн талаар мэдээлэл хүргэлээ.

Тэрээр "2023 оны нэгдүгээр сарын 09-ний байдлаар томуу, томуу төст өвчин, амьсгалын замын цочмог халдварын тохиолдлын тоо улсын хэмжээнд сүүлийн 3 долоо хоногт тогтвортой нэмэгдэж байна. Амбулаториор үйлчлүүлэгчдийн 13 хувь нь томуу, томуу төст өвчний шалтгаантай байна. Энэ нь өнгөрсөн 7 хоногтой харьцуулахад 3%-аар нэмэгдсэн үзүүлэлт байна.

Улсын хэмжээнд томуу, томуу төст өвчний алаг цоог дэгдэлтийн түвшин буюу улбар шар түвшинд хүрсэн байна. Өвчлөлийг үүсгэн эргэлдэж байгаа вирус нь томуугийн В хүрээний вирус байна. Түүнчлэн А, H1N1, томуугийн А хүрээний вирус давамгайлан эргэлдэж, энэ удаагийн томуугийн дэгдэлтийн голлох шалтгаан болж байна.