Амь үрэгдсэн хүний тоо 4300-т хүрээд байна

Туркийн өмнөд бүс нутгийн 10 гаруй хот болон Сирийн зарим хотод 7.8 баллын хүчтэй газар хөдлөлтийн улмаас  4300 гаруй хүн амь үрэгдэж, олон мянган хүн бэртэж, гэмтээд байна.

Энэ нь 1999 оны хүчтэй газар хөдлөлтөөс хойш тохиож байгаа хамгийн өндөр хүчтэй газар хөдлөлт аж.

Турк улсын ихэнх хотуудаар сүүлийн өдрүүдэд хүчтэй цас бороон шуургатай, цаг агаар хүнд байгаа цаг мөчид газар хөдлөлт тохиолдсоноос олон мянган хүн орон гэргүй болж, нөхцөл байдал гамшгийн хэмжээнд хүрчээ.