"Улаанбаатарын өвлийн наадам-2023" эхэллээ

Нийслэлийн Аялал жуулчлалын газар, “Скайрезорт” ХХК-тай хамтран “Улаанбаатарын өвлийн наадам” арга хэмжээг 2023.02.11-12-ны өдрүүдэд "Скайрезорт" цанын баазад зохион байгуулж байна. Наадмын нээлтэнд Нийслэлийн засаг даргын орлогч З.Төмөртөмөө, Нийслэлийн засаг даргын тамгын газрын Нийгмийн бодлогын хэлтсийн дарга Б.Мөнгөншагай, Нийслэлийн Аялал жуулчлалын газрын дарга Д. Батсүх болон Монгол улсад суугаа элчин сайд нар оролцож байна.

Монгол улсынхаа үзэсгэлэнт өвлийн улирал, ёс заншил, өв уламжлал, дахин давтагдашгүй өвөрмөц соёлыг сурталчлан таниулахын зэрэгцээ залуу үедээ өвлүүлэн үлдээх, шинэ тутам хөгжиж буй өвлийн улирлын экстрим спорт, аяллын төрлүүдийг нийслэлчүүддээ таниулах, амралтын өдрүүдийг гэр бүлээрээ аз жаргалтай өнгөрүүлэхэд тус наадмын зорилго оршиж байгаа юм.