Хайж байсан волейболын багийнхны цогцос олдлоо

Даваа гаригт газар хөдлөлт болсны дараагаас аврагчид дунд сургуулийн волейболын багийнхныг байрлаж байсан зочид буудлынх нь нурангиас хайсаар байсан юм. Харамсалтай нь тэдний цогцос олджээ. Хоёр багш, нэг сурагчийн цогцсыг Адъяаман дахь Исиас зочид буудлын нурангиас гаргасан гэж Туркийн хяналтад байдаг хойд Киприйн албаныхан мэдэгдэв. 

Тамирчин хүүхдүүд Туркийн Маариф коллежоос багш, эцэг эхийн төлөөллийн хамт тэмцээнд оролцохоор Адъяаман хотыг зорьсон аж. Охид, хөвгүүдийн багийг оролцуулаад нийт 39 хүний бүрэлдэхүүнтэй явсан. Туркийн хяналтад байдаг Умард Кипрээс 170 зорчигчтой онгоцоор багийнхан сүйрэл болсон газар руу гарчээ. Сурагчдын ар гэрийнхэн талбайд цугларч, хамтдаа эрлийн ажиллагаанд оролцож байна. 

Долоон давхар байшин нурсны дараа багийн гишүүдийн дөрөв нь амьд үлдсэн бөгөөд өөрсдөө нурангиас гарч чадсан гэх мэдээлэл байна.

Эхлээд Лхагва гарагт хоёр багшийн амьгүй цогцос олдсон тухай албаны хүмүүсийн мэдээллийг иш татан Турк-Киприйн хэвлэлүүд эхэлж мэдээллэсэн бөгөөд дахин наймдугаар ангийн нэг сурагч олдсоны дараа амиа алдагсдын тоо гурав болсныг албан ёсоор мэдэгдлээ. 

Бүх сурагчдыг олох хүртлээ эрлийн ажиллагааг үргэлжлүүлэхээ тухайн хотын боловсролын албанаас мэдэгдсэн.

Сүйрлийн газарт байсан нэг ээж барилгуудын чанар, гүйцэтгэлд ихэд эргэлзэж буйгаа илэрхийлээд, барилгажилтын явцад хангалттай шалгалт хийсэн эсэхийг тодруулахыг хүсэв.

Өөр нэг эмэгтэйн ярьснаар түүний зээ охин 12 настай НехирАдъяаманд амьдардаг бөгөөд газар хөдлөлт болсон өдөр тухайн зочид буудалд очиж найзуудтайгаа уулзжээ. Охидын багийн хамгийн залуу гишүүн Нехир бусад хүүхдүүдийн хамт сураггүй хэвээр байна.

Газар хөдлөлтөөс амьд гарсан багш тэднийг чичиргээнээс хойш унтаагүй, төрсөн охин нь онгоцны сэгэн дунд гацсан хэвээрээ байгааг мэдэгджээ.