Израйлын тусламжийн баг халдлагын улмаас Туркийг орхилоо

Израилын хүмүүнлэгийн Нэгдмэл Хатзал /United Hatzalah/ байгууллагын эрэн хайх, аврах ажиллагааны багийнхан Туркт туслах олон улсын багт нэгдэн 6 хоног тусламж үзүүлсэн юм. Харамсалтай нь зэвсэгт халдлагад өртөх шахсан тул Ням гарагт аврах ажиллагаагаа дуусгаж, Туркээс гарч буйгаа мэдэгдэв. Тус байгууллагын гүйцэтгэх захирал Эли Поллак, Үйл ажиллагаа эрхэлсэн дэд ерөнхийлөгч Дов Майсел нар мэдэгдэлдээ "Израилын багийнханд шууд аюул заналхийлсэн зэвсэгт халдлагын талаарх тагнуулын мэдээлэл ирсэн бөгөөд уг халдлагад өртөх шахлаа.

Бид ажилтнуудынхаа аюулгүй байдлыг нэгдүгээрт тавих ёстой. Сирийн хилийн ойролцоох Туркийн нутаг дэвсгэрт тусламжийн багийг илгээх нь эрсдэлтэй гэдгийг мэдэж байсан ч хүмүүсийн амь насыг аврах үүргээ биелүүлэхийн тулд аюулыг бууруулах шаардлагатай арга хэмжээг авчирсан" хэмээн дэлгэрэнгүй тайлбар хийв. Бямба гарагийн шөнө Израилын батлан хамгаалах хүчин, Дотоодын цэргийн командлал, эрэн хайх, аврах ангиудын дарга нартай хамтарсан нөхцөл байдлын үнэлгээ хийсний дараа ийм шийдвэр гаргажээ. Тус багийг шуурхай буцаах онгоц байгаагүй тул Америкийн Бүгд найрамдах намын хандивлагч агсан Шелдон Аделсоны гэргий Мириам Аделсон Ням гарагт хувийн онгоцоо гарган тусалжээ. Харин Израилын хоёр дахь тусламжийн баг болох IsraAid Туркт аврах ажиллагаагаа үргэлжлүүлсээр байна.

Эх сурвалж: Hadas Gold in Jerusalem, CNN

Гэрэл зураг: Туркийн Хатай нисэх онгоцны буудлынэвдэрсэн хэсгүүдийг зассан байдал. Twitter.