Ерөнхий сайд Л.Оюун-Эрдэнэ БНСУ-ын Гадаад хэргийн сайд Пак Жинийг хүлээн авч уулзав

О.Шүрэнцэцэг

2023/02/14

Монгол Улсын Ерөнхий сайд Л.Оюун-Эрдэнэ БНСУ-д хийж буй албан ёсны айлчлалынхаа хүрээнд хоёрдугаар сарын 14-ний өдөр БНСУ-ын Гадаад хэргийн сайд Пак Жин-ийг хүлээн авч уулзав.

Ерөнхий сайд Л.Оюун-Эрдэнэ монголд элэгтэй Гадаад хэргийн сайд Пак Жинтай түүний 2022 онд Монгол Улсад хийсэн албан ёсны айлчлалын дараа Сөүл хотноо дахин уулзаж байгаад баяртай байгааг илэрхийлээд хоёр улсын “Стратегийн түншлэл”-ийн харилцааг бэхжүүлэн хөгжүүлэх, худалдаа, эдийн засгийн хамтын ажиллагааг эрчимжүүлэх, иргэдийн солилцоог дэмжих чиглэлээр тохирсон ажлуудыг бодит ажил хэрэг болгох талаар анхаарч ажиллаж байгаад талархал илэрхийлэв.
Тэрбээр Монгол Улсын Засгийн газраас аялал жуулчлалыг дэмжих хүрээнд 2023-2025 оныг “Монголд зочлох” жил болгон зарласантай холбогдуулан гадаадын нэг сая жуулчин авах зорилт тавин ажиллаж буйг дурдаад энэ удаагийн айлчлалын үеэр Монголд зочлох жилийн нээлтийн ажиллагааг БНСУ-аас эхлүүлж, “Монголд тавтай морилно уу” арга хэмжээг зохион байгуулж буйг онцлон тэмдэглэлээ.
Ерөнхий сайд Л.Оюун-Эрдэнэ хоёр улсын иргэд харилцан адил байх зарчмын үүднээс монгол иргэдэд мөн визийн хөнгөлөлт үзүүлэх, цаашид харилцан визгүй зорчих нөхцлийг бүрдүүлэх талаар талууд илүү нягт хамтран ажиллана гэдэгт итгэлтэй байгааг илэрхийлэв.

БНСУ-ын Гадаад хэргийн сайд Пак Жин Монгол Улсын Засгийн газрын тэргүүний хувиар 2023 онд гадаад улс орнуудад хэрэгжүүлэх дээд түвшний анхны айлчлалыг БНСУ-аас эхлүүлж буйд баяртай байгаагаа илэрхийлээд хоёр улсын Стратегийн түншлэлийн харилцаа, хамтын ажиллагааг бэхжүүлэхэд чиглэсэн ажил хэрэгч, үр дүнтэй айлчлал болно гэдэгт итгэлтэй байна гэлээ. Монгол Улс, БНСУ-ын иргэд харилцан зорчих нөхцөлийг хөнгөвчлөх чиглэлд хоёр улсын Хууль зүйн яам, Гадаад харилцааны яамд хоорондын яриа хэлэлцээг эрчимжүүлж, ойрын хугацаанд бодит үр дүн гаргахын төлөө биечлэн анхаарч ажиллаж буйгаа тэмдэглэлээ.
Талууд бүс нутаг, олон улсын тавцан дахь хамтын ажиллагааг гүнзгийрүүлэн бэхжүүлэхийн төлөө байгааг нотлов. Пак Жин сайд Пусан хот нь БНСУ-ын хоёр дахь том хот бөгөөд монгол иргэд олноор зорчдог хот болохыг тэмдэглээд “Дэлхийн ЭКСПО-2030”-ийг эх орондоо зохион байгуулах эрхийн төлөөх өрсөлдөөнд Монгол Улс Пусан хотыг дэмжихийг хүслээ. Ерөнхий сайд “Дэлхийн ЭКСПО-2030”-ийг зохион байгуулах эрхийн төлөөх сонгуульд Пусан хот сонгогдох тохиолдолд БНСУ-ын Засгийн газар амжилттай зохион байгуулна гэдэгт итгэлтэй байгааг хэлээд, Монгол Улс Пусан хотыг дэмжихээ илэрхийлэв.

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.55.191.194

2023/02/14

Солонгос Улсын хүн бүр орон байрандаа чөлөөтэй үйлдвэр үйлчилгээ явуулдаг. Монголд төрөөс байнгын дарамт шалгалт авлигал татвар үйлдвэр үйлчилгээ явуулах ямарч боломжгүй учраас ажилгүйдэл ядуурал байна.Иймд иргэн хүн чөлөөтэй үйлдвэр үйлчилгээ явуулах боломжийн олго.

Хариулах

202.9.47.49

2023/02/14

Манай улсын сайдыг хүлээн авахгүй, манай улсын сайд эх оронд нь очиж сайдыг нь хүлээн авч уулзаж байгаа юм уу?

Хариулах

66.181.160.114

2023/02/14

оюунэргүү хүрэлсүгийн засагийн үед засгийн өр 36 тэрбум долларт хүрчлээ, монголын гаргадаг нүүрс алт зэс төмрийн хүдрийн үнэ түүхэн дээд хэмжээндээ хүрлээ асар их ашиг олсон жилүүд өнгөрсөн ч хачирхалтай нь монгол өрөнд орсоор. 500 400 800 тэрбумын хулгай хийсэн хулгайчууд зүгээр л 40 саяын торгууль төлдөг боллоо. авилга албан тушаалын хэрэг нь огт шийдэгдэхээ ч байлаа. 180 улсаас авилгаараа 116д орлоо. 1000 хүн амын дундах халдварт, халдварт бус өвчлөлөөр дэлхийд өрсөлдөгчгүй 1рт байна. монгол төгрөг ху жаа хошногоны ширхэг цааснаас үнэгүй боллоо. ху жаа нар монголын газрыг бие биедээ хэдэн зуун мянган гагаар нь зардаг боллоо.

Хариулах

103.26.194.213

2023/02/14

гуйлга гуйхгүй ирээрэй

Хариулах

158.208.192.248

2023/02/14

УЛС ОРНЫ ХӨГЖИЛД ХАМГИЙН ХОРТОЙ ЗҮЙЛ БОЛ ХУДАЛ ЯРИЖ, ДОЛООХООС ӨӨРИЙГ СУРААГҮЙ ХООСОН ДАНХАН ТОЛГОЙТУУДЫГ ДЭЭШ ӨРГӨЖМЛӨХ ЯВДАЛ ЮМ ГЭДГИЙГ ҮЕИЙН ҮЕД САНАЖ ЯВАХ ТУН!!! ЭЗЭН ЧИНГИС ХААНЫ СУРГААЛД НЯЛУУН ЗАНТАЙ ДОЛООЧИДООС ШУЛУУН ЗАНТАЙ ДАЙСАН ДЭЭР ГЭЖ СУРГАСАН БАЙДАГ ЮМ ШҮҮ!!!

Хариулах