Гана хөлбөмбөгчин газар хөдлөлтөөр амь үрэгджээ

Туркт болсон газар хөдлөлтөөс хойш 15 хоногийн дараа хөлбөмбөгчин Кристиан Ацу гэрийнхээ нуранги дор нас барсан байдалтай олдсон гэж түүний төлөөлөгч мэдэгдэв.

31 настай Гана тоглогч Премьер лигийн Эвертон, Челси, Ньюкасл зэрэг багуудад тоглож байсан. Тэрээр Хатай мужийн Антакья хотод байр нь нурснаас хойш сураггүй алга болжээ. Туркийн шилдэг клуб болох Хатайспорын твиттер хуудаснаа "Бидний уйтгар гунигийг илэрхийлэх үг олдохгүй байна. Ацу, бид чамайг мартахгүй. Сайн хүн амар амгалан нойрсог” гэжээ. Газар хөдлөлтийн дараа түүнийг бэртсэн байдалтайгаар аварсан гэгдэж байсан ч Хатайд байсан түүний төлөөлөгч Нана Сечере бямба гаригт түүний цогцос олдсоныг мэдэгдлээ. Цогцсыг гаргах үед ах, ихэр эгч нар нь газар дээр байсан гэж Гана улсын Гадаад хэргийн яам нэмж хэлэв. Ацугийн цогцсыг оршуулахаар бямба гаригт Гана руу буцаасан байна.

Эх сурвалж: https://www.bbc.com/sport/foot...

Гэрэл зураг: BBC News