Загвар өмсөгч Эбби Чойгийн гэр бүлийнхэн шарил таних ажиллагаанд иржээ

Хонгконгийн хамгийн алдарт загвар өмсөгч, инфлюнсер Эбби Чойгийн хэрцгийгээр хөнөөгдсөн аллагад хуучин нөхөр, хадмууд нь буруутай болохыг анхан шатны мөрдөн байцаалтаар тогтоож, шүүхэд шилжүүлсэн. 

Хонгконгийн хэвлэл мэдээллийн HK01-д мэдээлснээр, 2сарын 28-нд Эбби Чойгийн найз нөхөд, гэр бүлийн гишүүд загвар өмсөгч бүсгүйн цогцсыг танихаар Фушаний шарил хадгалах газарт ирсэн байна. Шарил хадгалах газраас 2 цагийн дараа тэднийг буцах үед гашуудаж буйгаа болон талийгаачид хүндэтгэл үзүүлж буйгаа илэрхийлэн хэвлэл мэдээллийнхэн хэсэг чимээгүй байжээ. 

Талийгаачийг нас барсныг зарласнаас хойш 7 хоног өнгөрч байхад түүний биеийн зарим хэсгүүд олдоогүй байна. Шарил хадгалах газарт ирэхдээ загвар өмсөгч бүсгүйн ээж одоогийн хүргэнээрээ түшүүлэн иржээ. Тэд цаасан хүүхэлдэй болон бусад эд зүйлсийг авчирч талийгаачийн төлөө залбирах ёслол хийжээ. Залбирлын үеэр Эбби Чойгийн ээж “Охин минь, ээж чинь чамтай дахиж уулзаж чадахгүй. Охиныхоо сайхан сэтгэлийг энэ амьдралд хангалттай хүртлээ, их баярлалаа. Охины амь насыг хөнөөсөн этгээдүүдийг "ямар ч ухамсаргүй араатнууд" гэж уйлан хайлан хэлж байв. 

Эбби Чой 2016 онд ТамЖай Юннан Миксиан рестораны сүлжээг үндэслэгч Там Чук Кваны хүү Крис Тамтай гэрлэсэн. Гэвч тэд гэрлэлтээ албан ёсоор бүртгүүлээгүй байна. Эх сурвалжийн мэдээлснээр Крис Там эхнэрийнхээ хуучин хадмуудтайгаа ямар харилцаатай байсныг мэддэг, тэр ч байтугай тэдэнд тусламж өгөхийг нь дэмждэг байжээ. Тэрээр мөн Эбби Чойгийн өмнөх нөхрийн 2 хүүхдийг өөрийн хүүхдүүд шиг өсгөсөн. Крис цаашид ч Эбби Чойгийн өмнөх нөхрийн хүүхдүүдийг асран халамжлахаа амласан гэнэ. Эбби Чойгийн одоогийн нөхөр энэ амьдралдаа эхнэртэйгээ уулзсандаа талархаж явдгаа хэлж, Эбби үргэлж өөрийг нь дэмжиж, маш их хайрладаг байсан, 4 хүүхэд нь бүгд хэчнээн хөөрхөн хүүхдүүд гэдгийг, эхнэр нь түүний хамгийн том аз байсныг дурсан ярьжээ. Тэдний 4 хүүхдүүд 3-10 настай аж. 

Эх сурвалж: HK01