Тодруулга: Гурван настай хүү ухаан ороогүй, эрчимт эмчилгээ үргэлжилж байна

Гурван настай хүү хойд эцэгтээ зодуулж энэ сарын 8-нд ГССҮТ-д ухаангүй байдалтайгаар хүргэгдэж, хэвтэн эмчлүүлж байгаа. Шалгалтын явцад Л-ийн хамтран амьдрагч Э нь 3-6 насны хөвгүүдийг гэртээ харж үлдэхдээ гурван настай Б-г зодсон байж болзошгүй байдал урьдчилсан байдлаар тогтоогдсон талаар Цагдаагийн байгууллагаас мэдээлсэн. 

Гэмтэл согог судлалын үндэсний төвийн Эрчимт эмчилгээний тасагт 12 дахь өдрөө эмчлүүлж байгаа гурван настай хүүгийн биеийн байдал хүнд, ухаангүй хэвээр байна.

Эмнэлгийн зүгээс шаардлагатай бүх тусламж үйлчилгээг үзүүлж байгаа бөгөөд хүүгийн эрүүл мэндийн талаарх мэдээллийг ар гэрийнхэнд нь цаг тухайд нь хүргэж байгаа юм. 

Иймд цахим орчинд хандалт авах, олны анхаарлыг татах зорилгоор худал ташаа мэдээлэл нийтэд тараахгүй байхыг хувь хүн, хэвлэл мэдээллийн байгууллагуудад анхааруулж байна.