Л.Энх-Амгалан: Цаг урагшлуулахыг дэмжихгүй, судалгаагаар хүүхдүүдэд сөрөг нөлөө үзүүлдэг гэж гарсан

2023 оны гуравдугаар сарын 25-ны 02:00 цагаас эхлэн зуны цагийн хуваарьт шилжих Засгийн газрын тогтоолын төсөл боловсруулан яамдаас санал авч байгаа юм. Тэгвэл уг асуудлаар Боловсрол шинжлэх ухааны сайд Л.Энх-Амгалангаас зарим зүйлийг тодрууллаа. 

Тэрбээр "Боловсролын хүрээлэнгээс судалгаа хийж байгаа. Хүүхэд нэг цагаар эрт сэрнэ гэсэн үг шүү дээ. Боловсролын хүрээлэн өмнө нь нэг судалгаа хийж байсан.  Өмнө хийсэн судалгаагаар бага ангийн хүүхдүүдэд болон цэцэрлэгийн хүүхдүүдэд бие махбод, организмд сөрөг нөлөө үзүүлж байгаа гэх дүгнэлт гарсан. Өнөөдөр яамнуудаас санал өгнө. Энэ дээр судалгааныхаа дүгнэлтийг үндэслэж хэлнэ. Яг боловсролын сайдынхаа хувьд зөв шийдвэр биш гэж харж байгаа. Мэдээж Засгийн газрын шийдвэр бол Засгийн газрын шийдвэр,  сайд бүхэн өөрсдийн салбар дээр гарч буй эрсдэл, давуу тал, сул талуудыг бид нар зөв үнэлж байж энэ шийдвэрт хүрэх ёстой" гэлээ.