Боловсролын ерөнхий хуулийн төслийг хэлэлцүүлэгт бэлтгэх Ажлын хэсгийн мэдээллийг сонслоо

О.Шүрэнцэцэг
2023/03/21

Улсын Их Хурлын дарга Г.Занданшатар болон холбогдох Байнгын хороодын дарга нар өнөөдөр (2023.03.21) Боловсролын ерөнхий хуулийн төслийг хэлэлцүүлэгт бэлтгэх үүрэг бүхий Ажлын хэсгийн мэдээллийг сонслоо. Уулзалтын эхэнд Улсын Их Хурлын дарга Г.Занданшатар үг хэлж, энэ хуулийг улс орны нөхцөл байдал, хэрэгцээ шаардлагад тулгуурлан, бодит амьдралд нийцүүлэн боловсруулж, батлах шаардлагатайг онцгойлон сануулав. Бид хөгжлийн томоохон төсөл, хөтөлбөрүүд ярьж, хувийн хэвшлээ дэмжих бодлого баримталдаг хэдий ч үнэн хэрэгтээ ажиллах хүчин, мэдлэг, мэргэжилтэй боловсон хүчин дутагдалтай байна. Энэ бол боловсролын асуудалд онцгойлон анхаарах шаардлагатайг сануулж буй хэрэг юм гэлээ. Тэрбээр, Боловсролын ерөнхий хуулиар боловсрол, сургалтын бүхий л түвшин, ялгаатай байдлыг нягт уялдуулан зохицуулах учиртайг дурдаж, эдийн засаг, нийгэм, санхүүгийн бүхий л арга хэрэгслээр боловсролыг дэмжих эрх зүйн нөхцөлийг бүрдүүлэхэд анхаарч ажиллахыг зөвлөв.

Боловсролын багц хуулийн төслүүдийг хэлэлцүүлэгт бэлтгэх нийт долоон ажлын хэсэг байгуулагдаад байгаа юм. Эдгээр ажлын хэсгүүд 29 удаа, ажлын дэд хэсгүүд 58 удаа хуралдаж Боловсролын ерөнхий хууль болон хамт өргөн мэдүүлсэн сургуулийн өмнөх ба ерөнхий, дээд, хүмүүнлэгийн, мэргэжлийн боловсрол, судалгааны их сургуулийн зэрэг хуулийн төслүүдийг хэлэлцсэн талаар Улсын Их Хурлын Боловсрол, соёл, шинжлэх ухаан, спортын байнгын хорооны дарга Г.Мөнхцэцэг танилцууллаа. Тус Байнгын хороо болон Боловсрол, шинжлэх ухааны яамнаас нийт 26, Улсын Их Хурлын гишүүд 16 удаагийн хэлэлцүүлэг зохион байгуулсан байна. Ажлын хэсгийн хуралдаанаар Боловсролын ерөнхий хуулийн төслөөр 75, хамт өргөн мэдүүлсэн бусад хуулийн төслөөр зургаан зарчмын зөрүүтэй санал хурааж, харилцан нийцлийг ханган боловсруулах ажил хийгдэж байна.

Улсын Их Хурлын гишүүн, Боловсрол, шинжлэх ухааны сайд Л.Энх-Амгалан уулзалтад танилцуулга хийж, ерөнхий боловсролын сургалт академик мэдлэгт суурилсан хөтөлбөрөөр явагдаж байгаагаас сурагчдын сурах сонирхол анги ахих тусам буурч буйг мэдээллээ. Үүнээс болж дээд болон мэргэжлийн боловсролын сургуульд суралцагчид ихэнхдээ нийгмийн шинжлэх ухааны мэргэжлийг сонгож, улмаар ажилгүйчүүдийн эгнээнд шилжих явдал их байгаа юм. Иймд сургалтын бүх түвшний хөтөлбөрийг шинэчлэх, өөр хооронд нь уялдуулах асуудлыг хуулийн төсөлд тусгаад байна. Мөн боловсролын санхүүжилтийн тогтолцоог сайжруулах, үр өгөөжийг нарийвчлан тооцох, нэмэгдүүлэх, багшлах боловсон хүчний цалин хөлс, нийгмийн баталгааг хангах, үр дүнд чиглүүлж, чанар, хүртээмжийг дээшлүүлэхэд боловсролын салбарын эрх зүйн шинэчлэлийг чиглүүлж буйг дурдав. Түүнчлэн, багш бэлтгэх, тэдний хөдөлмөр, бүтээмжийг үнэлэхтэй холбоотой харилцааг шилжилтийн үед босоо удирдлагаар авч явах, цахим шилжилтийг цаг алдалгүй хийх зэрэг бодлогын зорилтуудыг дурдаж, Боловсролын ерөнхий хуулийн болон хамт өргөн мэдүүлсэн хуулийн төслүүдэд оруулж буй зарчмын өөрчлөлт, шинэчлэлтийн үзэл баримтлалыг танилцуулсан юм.

Улсын Их Хурлын байнгын хорооны хуралдаануудаар ирэх долоо хоногт Боловсролын ерөнхий хууль болон хамт өргөн мэдүүлсэн бусад хуулийн төслүүдийг хэлэлцэхээр товлоод байна гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.


0
angry
0
care
0
haha
0
liked
0
love
0
sad
0
wow

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.55.191.194
2023/03/22
0
0
Төрийн Их, Дээд сургуулиудыг төлбөргүй болго, хүүхдийг 8 настайд нь шууд 3-р ангид оруулах, бага ангид нь мэндлэх хүндлэх, мал аж ахуй, уламжлал, эх орноо хайрлах, зан заншлыг ой тойнд нь сайн суулгаж өгөхөд болно.
Хариулах
202.131.251.130
2023/03/22
1
0
Их сургуулиудад академик эрх чөлөөг нь олго.Нэг сайд солигдоод туршилтын тэнэг юм хийдгийг болиулах хэрэгтэй.Улстөрийн өнцгөөр их сургуулийн захирлыг томилдогоо зогсоо.Удирдах зөвлөлийг тэтгэвэрийн тэнэг өвгөнөөр удирдуулах нь буруу. Бодлогын яамыг цүнх баригчидаар дүүргэх нь бүр буруу.Ийм л бна даа их мэдэгч сайдаа.
Хариулах
213.87.158.98
2023/03/22
0
0
Хамгийн сайн тавтай морилно уу секс болзоо сайт - - - www.Top24.pw
Хариулах
Шинэ мэдээ
Хүүхдийн мөнгө олгох журамд өөрчлөлт оруулна 9 минутын өмнө
Алтанбулаг боомтын ачаа тээврийн хэсэг ирэх наймдугаар сард ашиглалтад орно 19 минутын өмнө
Ихэнх нутгаар үүлшинэ 1 цагийн өмнө
Хан-Уул дүүрэгт "Бүтээгч Хан-Уулчууд-2023" өдөрлөг болж байна 17 цагийн өмнө
Гэгээн Ширээт Улсын төрийн тэргүүн Пап Францис Монгол Улсад айлчилна 18 цагийн өмнө
Хан-Уул дүүрэгт парк шинэчлэлт 95 хувьтай байна 18 цагийн өмнө
Өнөөдөр нөөцийн мах борлуулах цэгүүд 22 цагийн өмнө
Энэтхэг улсад томоохон галт тэрэгний ослын улмаас 288 хүн амиа алджээ 22 цагийн өмнө
Ойрын хоногуудад ихэнх нутгаар дулаарна Өчигдөр
“Улаанбаатар марафон”-д оролцож буй шилдэг тамирчдыг танилцуулж байна Өчигдөр
​ Фото сурвалжилга: “Улаанбаатар марафон-2023” Өчигдөр
Тамирчдын бай, шагналаас татвар авахгүй байх шийдвэр гаргалаа 2023/06/02
Төр, хувийн хэвшлийн хамтарсан “БҮТЭЭГЧ ХАН-УУЛЧУУД-2023” нээлттэй өдөрлөг болно 2023/06/02
“Улаанбаатар” марафоны 5 км-ийн дугаар олголтыг Сүхбаатарын талбайд олгож байна 2023/06/02
100 орчим зээл, тэтгэлгийг холбогдох журмын дагуу шийдвэрлэсэн эсэхийг тогтоохоор ажиллаж байна 2023/06/02
Мэдээллийн мөрөөр: Хүүхдүүдийн ар гэрт нөхцөл байдлын үнэлгээ хийхээр болжээ 2023/06/02
ТАНИЛЦ: Хөгжлийн банкнаас нээлттэй худалдан борлуулах үл хөдлөхүүд 2023/06/02
Маргааш 20 гаруй худалдааны төв амарна 2023/06/02
Маргааш зам хаахтай холбоотойгоор 40 чиглэлийн 439 автобусны чиглэлд өөрчлөлт орно 2023/06/02
Махны үйл ажиллагаа явуулдаг 258 компанид хяналт, шалгалт хийнэ 2023/06/02