Боловсролын зээлийн сан: Чи ядуу, энэ баян гэж ялгадаг зээл байхгүй, зээлээ төлөөгүй 230 хүнийг шүүхэд өгнө

Боловсролын зээлийн сангаас зээл авч гадаадын их дээд сургуульд суралцаад зээлээ төлөөгүй 230 хүнийг хууль хяналтын байгууллагад шалгуулахаар шилжүүлнэ гэдгийг Ерөнхий сайд Л.Оюун-Эрдэнэ чиглэл өгсөн. 

Тодруулбал, 1997 оноос хойш Боловсролын зээлийн сангаас зээл авч гадаадад суралцсан ч зээлээ төлөлгүй алга болсон 230 хүн байна. Эдгээр хүмүүсийг хууль хяналтын байгууллагад шилжүүлэх ажил эхэлж байна. 

Зээл авсан 230 хүүхэд ямар сургуульд сураад, ямар хэмжээний мөнгийг Боловсролын зээлийн сангаас аваад өнөөдөр яагаад гэрээний үүргээ биелүүлэлгүй алга болсон бэ гэдэг асуудлыг хууль хяналтын байгууллага шалгаад шүүхэд өгөх юм. Бид энэ асуудлаар БЗС-ийн ажлын албаны дарга Д.Гардиас тодрууллаа.