Д.Мөнх-Эрдэнийн нагац эгч Ж.Энхтуяа: Миний дүүг Ц.Нямдорж, Н.Анхбаяр, С.Оюунбилэг нарын гомдлоор шүүж байгаа

Д.Мөнх-Эрдэнэд шүүх хурал өнөөдөр 10:00 цагт эхэлж, өмгөөлөгч болон түүний зүгээс шинээр өмгөөлөгч авах, хэргийн материалтайгаа танилцах боломжоор хангаж өгөх хүсэлт гаргасан ч шүүх бүрэлдэхүүн татгалзаж, хурлыг үргэлжлүүлж байгаа юм.

Иргэн Д.Мөнх-Эрдэнэд холбогдох шүүх хурал 8 цаг үргэлжилж байгаа. Бид түүний нагац эгч Ж.Энхтуяагаас зарим зүйлийг тодрууллаа. Тэрбээр" Д.Мөнх-Эрдэнийн ар гэрийнхэн хүндхэн байгаа. Саяхан аав нь хагалгаанд орсон, бие нь тааруу байгаа. Миний хувь ажиглалтаар шүүх хуралд оролцож байгаа. 3-4 жилийн өмнө болсон консулын хэргийг өнөөдрийн шүүх хурал дээр ярьж байна. Тухайн үед нь энэ хэргийг шалгаагүй байж. Өнөөдрийн шүүх хурал дээр ярьж байгаад гайхаж байна. Миний дүүг Ц.Нямдорж, Н.Анхбаяр, С.Оюунбилэг нарын гомдлоор шүүж байна" гэв.