Чингэлтэйчүүд өрхийн эмнэлгээсээ 2,3 дахь шатлалын эмнэлгийн үйлчилгээ авах боломжтой боллоо

О.Шүрэнцэцэг
7 цагийн өмнө

Улсын төсвийн хөрөнгө оруулалтаар Чингэлтэй дүүргийн 1-24 дүгээр хороодын өрхийн эрүүл мэндийн төвүүдэд шаардлагатай тоног төхөөрөмж гардууллаа.

Энэ үеэр УИХ-ын гишүүн Ж.Сүхбаатар “Чингэлтэй дүүргийн Өрхийн эрүүл мэндийн төвүүдийн дарга, эмч, ажилчнууд та бүхэнд энэ өдрийн мэнд хүргэе. Дүүргээ хөгжүүлэх хөрөнгө оруулалтын бодлого дотор дүүргийн эрүүл мэндийн тусламж үйлчилгээг үзүүлдэг анхан, дунд шатны төвүүдийн тоног төхөөрөмжийг сайжруулах, боловсон хүчний мэдлэг чадварыг дээшлүүлэхэд УИХ-ын гишүүний хувиар анхааран ажиллаж байна.

Монгол Улсын Засгийн газар эрүүл мэндийн тусламж үйлчилгээг улам бүр чанаржуулах, техник тоног төхөөрөмжөөр хангах, эмнэлгийн ажилтнуудын урам зоригийг сэргээх чиглэлд анхаарч байна. Энэ хүрээнд миний бие Чингэлтэй дүүргийн 14 дүгээр хороонд Эрүүл мэндийн төвийн дэргэд орчин үеийн тоног төхөөрөмжөөр иж бүрэн тоноглогдсон  эрт илрүүлэг, үзлэг оношлогооны төвийг шинээр барьж 2024 онд ашиглалтанд оруулахад анхааран ажиллаж байна. Одоогоор бүтээн байгуулалтын ажил суурь цутгалтаа хийгээд энэ жил барилгын ажлыг дуусгахаар зорьж байна.Энэ төвийн барилга сүндэрлэжашиглалтадорохтой зэрэгцэн тоног төхөөрөмжийн тендер зарлагдаж, ханган нийлүүлэх компани, аж ахуйн нэгжүүд тодроод, түрүүчээсээ тоног төхөөрөмжүүдээ ирүүлж байна. 

Хоёрдугаарт, дүүргийнхээ Өрхийн эрүүл мэндийн төвийн эмчилгээ оношлогооны чадамжийг сайжруулах хөтөлбөрийг эхлүүлж байна. Эрүүл мэндийн даатгалын хуульд эрүүл мэндийн тусламж үйлчилгээг гүйцэтгэлээр нь санхүүжүүлэх журам хэрэгжиж байгаа. Тэгэхээр өрхийн эрүүл мэндийн төвд тоног төхөөрөмж нь байвал цус, шээсний шинжилгээнээс эхлээд хавдрын шинжилгээг ч авах бүрэн боломжтой гэж харж байна.

Хэрэв өрхийн эмнэлэг аль болох 2, 3 дугаар шатлалтын эмнэлгийн үйлчилгээг үзүүлдэг, олон төрлийн нарийн шинжилгээг авч чаддаг бааз суурьтай болбол гүйцэтгэлээрээ санхүүжилтээ авах боломжтой. Тиймээс бид өрхийн эрүүл мэндийн төвийн эмчилгээ, оношлогооны чадавхийг сайжруулж байгаа юм. Өмнө нь шээс, цус, биохимийн гэх мэт шинжилгээг заавал дүүрэгтээ өгдөг байсан бол одоо өрх дээрээ өгөх бүрэн боломжтой болж байгааг баяртайгаар дуулгая. 

ЧД-ийнхээ 19 өрхийн ЭМТ-д 31 нэр төрлийн 82 тоног төхөөрөмжийг та бүхэндээ гардуулж байна. Тоног төхөөрөмжөө бүрэн хүчин чадлаар нь ажиллуулах боловсон хүчин чухал. Тиймээс ЭМЯ-тай хамтраад эмнэлгийн ажилчдаа сургах, чадавхжуулах, тоног төхөөрөмж дээрээ алдаа мадаггүй ажиллахад цаашдаа анхаарна.  

УИХ-ын гишүүний хувиар нэгдүгээр шатлалын эмч эмнэлгийн ажилтнууд та бүхнээсээ аминчлан хүсэх гуйлт гэх юм уу, хүсэлт байна. Юу вэ гэхээр, дүүрэг, хороодынхоо зорилтод бүлгийн иргэддээ энэхүү тоног төхөөрөмжийнхөө ид шидийг үзүүлж, тэднийгээ эмчилгээ үйлчилгээ саадгүй авахад нь туслаарай.

Орон даяар эрт илрүүлгийн аян явагдаж байгаа ч бичиг баримтгүй, эрүүл мэндийн даатгал төлдөггүй, бусад амьдралын боломжгүй нөхцөлөөсөө болоод төрийн үйлчилгээг авч чаддаггүй иргэд гэр хороололоор бишгүй бий. Энэ иргэдээ үзэх өдөр, цагийг харамгүй гаргаж, эрүүл мэндийн тусламж үйлчилгээ авч чаддаггүй иргэдээ хамруулаарай гэдгийг тусгайлан чин сэтгэлээс гуйя” гэлээ.



0
angry
0
care
0
haha
3
liked
1
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Л.Гантөмөр: Энэ удаагийн сонгуулиас Монголын ирээдүй шууд хамаарна 4 цагийн өмнө
Л.Оюун-Эрдэнэ: Англи хэлийг албан ёсны хоёр дахь хэл болгох ажлыг Г.Дамдинням зориг гарган манлайлсан 4 цагийн өмнө
М.Бадарч: Цол, чимгээ нөхөж авч байгаа бөхчүүддээ баяр хүргэе, би допинг хэрэглээгүй учраас эцсийг нь хүртэл явна 5 цагийн өмнө
Өргөө кино театраас 3,4-р хорооллын эцэс хүртэлх замын хөдөлгөөнийг нээжээ 5 цагийн өмнө
Дарь-Эхчүүд МАН-аас нэр дэвшигчдийг багаар нь дэмжиж байна 5 цагийн өмнө
Л.Оюун-Эрдэнэ: О.Батнайрамдалыг сонгох та бүхний сонголт мянга, мянган залуусыг эх орондоо дуудах уухайн түрлэг байх юм шүү 6 цагийн өмнө
Түүнд туулах ёстой урт зам бий 6 цагийн өмнө
“Эрэл групп”-ийн зүүн талаар өнгөрөх авто замын хөдөлгөөнийг нээлээ 6 цагийн өмнө
Өвөрхангай аймгийн Сант сумын АН-ын дарга бусдын гарт амиа алджээ 6 цагийн өмнө
Баянголчууд ардчилсан намын нэр дэвшигчдийг багаар нь дэмжинэ 7 цагийн өмнө
ҮНДЭСНИЙ ЭВСЭЛ: Татварыг дээрэм биш, дэмжлэг болгоно 10 цагийн өмнө
“Шинэ хоршоо” хөдөлгөөний хүрээнд 3778 хоршоо байгуулагдаж, 38464 малчин хоршоонд нэгдлээ 21 цагийн өмнө
Н.Номтойбаяр: Авлигатай тэмцэнэ гэдэг Ардын намтай тэмцэнэ гэсэн үг 21 цагийн өмнө
Б.Тулга: Төвийн бүс нь Монгол Улсын хүнсний хэрэгцээг хангах стратегийн ач холбогдолтой 22 цагийн өмнө
Ц.Баатархүү: МАН тасралтгүй 8 жил засаглахдаа хотын түгжрэлийг бууруулах нэг ч шийдэл гаргаагүй 22 цагийн өмнө
Ц.Эрдэнэбат: Технологийн шийдлийг нэвтрүүлэхэд улс төрийн манлайлал, эр зориг хэрэгтэй 23 цагийн өмнө
Би яагаад нэр дэвших болов?  23 цагийн өмнө
Тэтгэвэр, тэтгэмжийн хагас хуримтлалын тогтолцоонд шилжүүлнэ Өчигдөр
Г.Дамдинням: Дархан, Сэлэнгэ, Төв аймаг үйлдвэрлэл, хөдөө аж ахуйн төв болно Өчигдөр
ҮНДЭСНИЙ ЭВСЭЛ: Ухаалаг хотын цогц, шинэ төлөвлөлтийг хэрэгжүүлнэ Өчигдөр