БНСУ-д амьдарч байсан хоёр настай хүүг эцгийнх нь хамт хорьж байгаад албадан нутаг буцаасан гэх асуудалд ГХЯ-аас тайлбар хийлээ. "Тухайн иргэн БНСУ-д хууль бусаар оршин сууж байгаад Цагаачлалын албанд баригдаж, саатуулагдсан. Хоёр настай хүүхдийг нь харж хандах хүнгүй гээд аавтай нь хамт байлгасан бөгөөд хүүхдийг асран хамгаалах хүнийг олох гэж нэлээн хайж судалсан. Хүүгийн ээж нь БНСУ-д байдаг боловч хүүхдээ авах боломжгүй гэж татгалзсан учир БНСУ-ын Цагаачлалын албанаас хүүхдийг аавтай нь хамт буцаах шийдвэр гаргасан байна. Солонгос дах манай Консулын алба, Цагаачлалын албанаас хүүхдийг эмнэлэгт үзүүлж байсан. Хүүхдийн эрүүл мэнд хэвийн байгаа гэсэн. Ямар нэг хүнд өвчтэй, хагалгааны заалттай гэсэн мэдээлэл одоогоор өгөөгүй байна" гэв.
Сэтгэгдэл (0)
Сэтгэгдэл бичигдээгүй байна