МАН-ын бүлэг Үндсэн хуулийн нэмэлт, өөрчлөлтийн асуудлаар мэдээлэл хийв

УИХ дахь МАН-ын бүлэг өнөөдөр хуралдсан. Хуралдаанаас гарсан шийдвэрийн талаар МАН-ын бүлгийн дарга Д.Тогтохсүрэн мэдээлэл өглөө. 

Мэдээлэлд: Үндсэн хуулийн өөрчлөлттэй холбоотойгоор гишүүдийн саналыг сонслоо. Сонгуулийн холимог тогтолцоог иргэд ойлгож байгаа учир холимог тогтолцоогоор зохион байгуулах нь зүй гэж үзсэн. Мөн  УИХ-ын гишүүдийн тоог 152 болгоно гэдгийг бууруулах тухай хэлэлцлээ. Түүнээс гадна мажоритар тогтолцоогоор сонгох харьцаа их байх нь зөв гэх чиглэлээр ярилцсан.  Үндсэн хуулийн өөрчлөлтийн асуудлыг парламентад суудалтай намууд зөвшилцөж, нэгдсэн ойлголтод хүрэх нь зөв гэж үзэж байгаа. Тиймээс  бусад намуудтайгаа зөвшилцсөний үндсэн дээр МАН-ын бүлэг дахин хуралдахаар болсон гэсэн юм.