​С.ГАНБААТАРЫН ХАНДИВЫН АСУУДАЛ ШҮҮХЭД ШИЛЖЛЭЭ

Монгол Улсын Ерөнхийлөгчид МАХН-аас нэр дэвшиж байгаа С.Ганбаатар Сонгуулийн тухай хуулийг зөрчиж байгаа тухай гомдол, зөрчлийн талаар мэдээлэл хийлээ. Цагдаагийн байгууллагаас нэр дэвшигч С.Ганбаатараас тайлбар авахаар 6 сарын 21, 22-ны өдрүүдэд хүсэлт тавьсан боловч татгалзсан. БНСАУ-ын иргэнээс хандив авч байгаа бичлэг нь 2017 оны 5 дугаар сарын 23-ны өдөр тэдний гэрт нь болсон үйл явдал бөгөөд эвлүүлэг, дуу хоолой нь өөрчлөлтгүй болох нь тогтоогдсон, тодруулбал тэр яриа өөрийнх нь дуу хоолой мөн болох нь тогтоогдсон гэлээ. Тиймээс МАХН-аас нэр дэвшигч С.Ганбаатар нь Сонгуулийн тухай хууль зөрчсөн эсэх асуудлыг тогтоолгохоор харьяаллынх нь дагуу Баянзүрх дүүргийн шүүхэд шилжүүлээд байгаа юм байна.

Н.Батаа