Нүүрсний гэх тодотголтой олон хэргүүдэд мөрдөх байгууллагууд шалгаж байна. Олон нийтийн зүгээс хэргийн шалгалт удааширч байгаа гэх шүүмж олон талд өрнөж буй.
Тэгвэл Нийслэлийн прокурорын газраас өгсөн сүүлийн үеийн мэдээллийг танилцуулбал,
Нүүрсний хэрэгтэй холбоотойгоор 128 хүнд эрүүгийн хэрэг үүсгэж яллагдагчаар татсан. Эдгээрээс 49 хүнийг хойшлуулахгүйгээр буюу 48 цагийн хугацаатайгаар шүүхийн зөвшөөрөлгүйгээр баривчилсан. Тэдгээрээс 23-ыг нь яллагдагчаар цагдан хорьсон. Өнөөдрийн байдлаар дөрвөн хүн цагдан хориотой хэвээр байгаа гэх мэдээллийг өгч байна.
Өнгөрсөн оны 12 сард нүүрсний хэрэгтэй холбоотойгоор 8 хүнийг баривчилж, цагдан хорих 461 дүгээр ангид саатуулсан байдаг.
Тухайлбал, "Эрдэнэс силвер ресурс" ХХК-ийн захирал асан Т.Мөнхбаяр, "Эрдэнэс Тавантолгой" ХК-ийн захирал асан Б.Ганхуяг, түүний эхнэр, мөн эгч Б.Нарантуяа, хүргэн Д.Пүрэвдорж, "Эрдэнэс Тавантолгой" ХК-ийн албаны дарга С.Энхтөр, "Сагсайс Редер" ХХК-ийн захирал С.Энхтүвшин, "Хишиг арвин индустрал" ХХК-ийн эзэн Б.Хишигдорж, тус компанийн гүйцэтгэх захирал М.Хүрэлбаатар нарыг баривчилж байжээ.
Сэтгэгдэл (0)
Сэтгэгдэл бичигдээгүй байна