Он гарсаар 46 хүн угаартаж нас баржээ

Улсын хэмжээнд 2023 оны нэгдүгээр сарын 1-ний өдрөөс  зургадугаар сарын 03-ны өдрийн байдлаар 1733 иргэн угаарын хийн хордлогод өртжээ. Үүнээс эмнэлгийн тусламж үйлчилгээ авч буцсан 1304, эмнэлэгт хэвтэн эмчлүүлж эдгэрч гарсан 383, нас барсан 46 тохиолдол бүртгэгдсэн байна.

Иргэд бороотой өдөр өрхөө бүтээж яндангаа авснаас болж угаартсан гэх өгүүлэмжтэйгээр эмнэлэгт ханддаг аж. 

 Сүүлийн өдрүүдэд яндангаа авч, өрхөө бүтээсний улмаас иргэд угаартаж нас барах тохиолдол ихэсч байгаа тул яндангаа авахгүй, өрхөө бүтээж унтахгүй байхыг мэргэжлийн байгууллагаас анхааруулж байна.