ЗАРИМ АЙМГИЙН НААДАМ ТЭМДЭГЛЭХ ХУГАЦААГ ӨӨРЧИЛЛӨӨ

Засгийн газар өчигдрийн хуралдаанаараа зарим аймгуудын баяр наадмын товыг өөрчилсөн байна. Тухайн аймгийн Засаг дарга нараас ирүүлсэн хүсэлтийг харгалзан үзсэн байна. Тухайлбал :

- Баянхонгор сум байгуулагдсаны 60 жилийн ойг хамтатгаж Баянхонгор аймгийн наадмыг долоодугаар сарын 21-22-нд,

- Зарим суманд шүлхий өвчин гарсан, нийт нутгаар нь гантай байгааг харгалзан Дорноговь аймгийн наадмыг долоодугаар сарын 28-29-нд,

- Зүүн бүсийн хурдан морины уралдаантай хамтатган Сүхбаатар аймгийн наадмыг долоодугаар сарын 28-29-нд зохион байгуулахаар болжээ.

Мөн Монгол Улсын Ерөнхийлөгчийн 2017 оны ээлжит сонгуулийн хоёр дахь санал хураалт болох 2017 оны долоодугаар сарын 7-ны өдөр орон нутагтаа аймаг, сумын наадам хийхгүй байхыг аймгуудын Засаг дарга нарт үүрэг болгосон байна.