Үндсэн хуулиа нэг удаа ч гэсэн бүтнээр нь уншиж үзсэн хүн байна уу? гэх асуултанд ихэнх нь толгой сэгсэрнэ. Тэгсэн хэрнээ ихэнх нь Үндсэн хууль муу хууль гэж чичлэх. Уншиж судлаагүй зүйлээ сайн мууг нь хараад л мэдчихдэг, шидтэй ч гэх юм уу, элдэвтэй хүмүүс юм бид. Сүүлийн үед сошиал ертөнцөд МАХН-ын ухуулагчийн "1990 оноос хойш Үндсэн хуулиа" хараагүй. АН, МАН хоёр бидэнд уншуулдаггүй гэх бичлэг олны анхааралд өртөөд байна. Магадгүй энэ нь Монголын ард түмний нам дагасан хагарал, бутралыг харуулсан тод жишээ ч байж болох юм.
Монгол Улсын үндсэн хуулинд " нийгмийн болон өөрсдийн ашиг сонирхол, үзэл бодлын үүднээс нам, олон нийтийн бусад байгууллага байгуулах, сайн дураараа эвлэлдэн нэгдэх эрхтэй..." гэж заасан байдаг. Ямар нам эвсэлд нэгдэх нь тухайн хүний эрхийн асуудал. Гэхдээ бас өөрийн эвлэлдэн нэгдсэн нам, эвслийг, өөрийн намын үзэл баримтлалыг танилцуулахдаа үнэнийг илтэд гуйвуулж, муйхарлаж болохгүй гэдгийг хэлэх хэрэгтэй болов уу..! Монгол Улсын Үндсэн хуулиа судлаад, амьдралдаа хэрэглээд явах бол хэн бүхний өмнө нээлттэй бөгөөд Үндсэн хуулиа дагаж мөрдөх нь хүн бүрийн үүрэг. Үүрэг гэдэг бол заавал биелүүлэх ёстой үйлдэл.
Тодруулбал, Үндсэн хуулийн 17-р зүйлд Монгол Улсын иргэн шударга, хүнлэг, ёсыг эрхэмлэн дараах үндсэн үүргийг ёсчлон биелүүлнэ хэмээгээд "Үндсэн хууль, бусад хуулийг дээдлэн хүндэтгэж, сахин биелүүлэх..." хэмээн заасан байдаг. Ийм байхад Ардчилсан нам болон Монгол ардын нам 1990 оноос хойш Үндсэн хуулийг ард түмнээсээ нуучихсэн гэх утга бүхий зүйл яриад сууж байгаа нь муйхарлал гэж хэлэхэд хэлсдүүлсэн хэрэг болохгүй биз ээ.
Сэтгэгдэл (0)
Сэтгэгдэл бичигдээгүй байна