490 алба хаагч 36 мотопомптой ажиллаж 9406 тонн ус соруулжээ

2024 оны 04 дүгээр сарын 02-ны өдөр шар усны үертэй холбоотой 7 дуудлага мэдээлэл ирсэн. Дуудлагын ихэнхи нь орон сууц, гэр хорооллын гудамж, зам талбай, айл өрхийн хашаанд ус тогтсон талаарх мэдээлэл байна. Дуудлагын дагуу онцгой байдлын хэлтсийн албан хаагчид тухай бүр арга хэмжээг авч ажиллалаа.

Үүнд:
1. БЗД-ийн 28 дугаар хороо Хужирбулангийн 3-р хэсэг 38-1414 тоот хашаа усанд автсан дуудлагаар тус дүүргийн Онцгой байдлын хэлтсийн 5 алба хаагч, 1 автомашин, 2 мотопомптой ажиллаж 7 тонн ус соруулсан.
2. СХД-ийн 33 дугаар хороо Тахилтын нүхэн гарцанд ус тогтсон мэдээллийн дагуу тус дүүргийн Онцгой байдлын хэлтэс, тохижилт нийтийн аж ахуйн хэлтсийн 8 алба хаагч, 1 автомашин, 1 ус соруулах автомашин, 2 мотопомпт, 1 ус соруулах насостой 800 тонн ус соруулсан.
3. СБД-ийн 17 дугаар хороо Дамбадаржаа 53-725, 53-728а тоот айлуудад шар ус орсон дуудлагаар тус дүүргийн Онцгой байдлын хэлтсийн 8 алба хаагч, 1 автомашин, 1 мотопомптой нийт 37 тонн ус соруулсан.
4. СБД-ийн 13 дугаар хорооны арын гудамж 605 дугаар тоотод Далан хальж хашаанд ус орж ирээд байна гэх дуудлага мэдээллийн дагуу Геодези усны барилга байгууламжийн 2 ажилтан, 1 автомашинтай үзлэг шалгалт хийж зөвлөгөө өгсөн.
5. ХУД-ийн 10 дугаар хороо 7 дугаар байрны урд хэсэгт шар ус тогтож, иргэд зорчиход хүндрэлтэй нөхцөл байдал үүссэн дуудлагаар тус дүүргийн Онцгой байдлын хэлтсийн 7 алба хаагч, 1 автомашин, 2 мотопомптой 22 тонн усыг соруулсан.
6. СХД-ийн 40 дүгээр хороо хилчин хотхоны хойд талд 29 дүгээр гудамж 139А тоотоос ирсэн дуудлагын дагуу дүүргийн Онцгой байдлын хэлтсийн 6 алба хаагч, 1 автомашин, 1 мотопомптой 4 тонн ус соруулсан.
7. БГД-ийн 3 дугаар хороо Төмөр замын 71 дүгээр байрны урд хэсэгт устай байна гэсэн дуудлагын дагуу ГУББГ-аас 4 ажилтан, 1 ус соруулах автомашинтай 36 тонн ус соруулсан.v
Өнөөдрийн байдлаар нийт 102 удаагийн дуудлага, мэдээллийн дагуу 8 байгууллагын давхардсан тоогоор 490 алба хаагч, 132 автомашин механизм, 36 мотопомптой ажиллаж 9406 тонн ус соруулан, 5604 метр суваг татаж, 3 гүүрний сувагчлал гаргаж, 155 тонн мөс, 3 тонн лаг шавар зөөвөрлөн, 35 метр ус зайлуулах шугам хоолой онгойлгож, 3570 метр шороон далан босгож 310 айл, өрх, 5 аж ахуйн нэгжийн аюулгүй байдлыг хангаж, Баянзүрх дүүрэгт 9, Сонгинохайрхан дүүрэгт 1, Хан-Уул дүүрэгт 2 нийт 12 айл, өрхийг нүүлгэн шилжүүлээд байна.

УЛААНБААТАР ХОТЫН ЗАХИРАГЧИЙН АЖЛЫН АЛБА