ОН ГАРСААР 56 ХҮН УСАНД АМИА АЛДЖЭЭ

Үндэсний баяр наадмын үеэр олон хоног амрахтай холбогдуулан иргэд гол ус бараадах, халуунд сэрүүцэх зорилгоор голын эрэг дагуу амарч, зугаалах, санамсар болгоомжгүйн улмаас гол усанд осолдон амь насаа алдах эрсдэлийг дагуулж байгаа юм. Иргэдийн санамсар болгоомжгүй, хайхрамжгүй байдлаас шалтгаалан усны ослоор бага насны хүүхэд, өндөр настай иргэд, залуучууд амь насаа алдсан тохиолдол 2017 он гарсаар 13 аймгийн 30 сум, нийслэлийн дөрвөн дүүрэгт 45 удаа гарч 56 хүн (хүүхэд-10, насанд хүрэгсэд-46) амь насаа алдсан байна. Энэ нь өнгөрсөн оны мөн үеийнхтэй харьцуулахад нэмэгдсэн үзүүлэлт юм. Тиймээс Онцгой байдлын ерөнхий газраас сэтгүүлчдэд мэдээлэл хийж, ард иргэдэд сэрэмжлүүлэг, анхааруулга хүргэх, мөн ой, хээрийн түймрийн нөхцөл байдлыг мэдээллэх юм байна. Мэдээллийг өнөөдөр 11 цагт Онцгой байдлын ерөнхий газартаа хийх аж.