​БАЯР НААДМЫН ӨДРҮҮДЭД НЭМЭЛТЭЭР 250 ТЭЭВРИЙН ХЭРЭГСЭЛЭЭР ҮЙЛЧИЛНЭ

"Авто тээврийн үндэсний төв" нь ТӨҮГ болон "Замын цагдаагийн алба"-ны Орон нутгийн хяналтын хэлтэстэй хамтран Үндэсний их баяр наадам болж байгаатай холбогдуулан улс, хот хоорондын нийтийн тээврийн үйлчилгээний хөдөлгөөний аюулгүй байдлыг хангах, хяналт шалгалтыг сайжруулах талаар 21 аймгийн Автотээврийн төв болон Замын цагдаагийн тасгийн дарга нарт үүрэг чиглэл өгсөн онлайн хурлыг зохион байгуулав. Тус хурлын үеэр "Автотээврийн үндэсний төв"-ийн тээвэр зохицуулалтын хэлтсийн дарга Д. Батбаяр иргэдийг хот хоорондын нийтийн тээврийн үйлчилгээгээр үйлчлүүлэхдээ тээвэрлэлт эхлэхээс 30 минутын өмнө ирж суудлаа эзлэн, хөдөлгөөний аюулгүй байдлаа ханган, хамгаалалтын бүсээ зүүн зорчихыг анхаарууллаа. Мөн Үндэсний их баяр наадмын өдрүүдэд Хот хоорондын нийтийн тээврийн үйлчилгээнд нэмэгдлээр 250 тээврийн хэрэгслийг тээвэрлэлтэнд гарган үйлчлэхээр бэлтгэл ажлыг хангаж байна.

Бэлтгэсэн: Д. Хулан