ХЭНТИЙ: Бор-Өндөр сумын ЕБС-ийн спорт заалыг иж бүрэн шинэчиллээ

Улсын тэргүүний Бор-Өндөр сумын Ерөнхий боловсролын сургуулийн “Б” заал нь Уулын баяжуулах үйлдвэрээс 250 сая төгрөгийн санхүүжилтээр иж бүрэн засвар, шинэчлэл хийгдэж, өнөөдөр албан ёсоор сургуулийн захиргаанд хүлээлгэн өгчээ. 

Тус заалын засварын ажлын хүрээнд хана, шал, таазны бүрэн шинэчлэл, дулаалга, гэрэлтүүлэг, агааржуулалт, дуу тусгаарлалт, тоног төхөөрөмжийн шинэчлэл зэрэг олон талт ажлуудыг хийж гүйцэтгэсэн нь сурагчдын биеийн тамирын хичээл, урлаг, спортын арга хэмжээг илүү тав тухтай, аюулгүй орчинд зохион байгуулах боломжийг бүрдүүлж байна. 

Сурагчдын хөгжлийг дэмжихэд үнэтэй хувь нэмэр оруулж буй Уулын баяжуулах үйлдвэр болон хамтран ажилласан бүх талуудад Аймгын удирдлагууд талархал илэрхийлж буйгаа хэллээ.