ТРАМП ХУВИАСАА НЭГ САЯ АМ.ДОЛЛАРЫН ХАНДИВ ӨРГӨХӨӨР БОЛЖЭЭ

АНУ-ын Ерөнхийлөгч, тэрбумтан Дональд Трамп Харви хар салхинд нэрвэгдэж, ихээхэн хэмжээний хохирол амссан муж нутгийн иргэдэд зориулсан хандивын санд хувиасаа нэг сая ам.доллар хандивлахаар болсон байна.

"Трамп байгалийн гамшигт нэрвэгдсэн иргэдэд туслах сайн үйлсийн аянд бусдын адил нэгдэж, хувиасаа нэг сая ам.долларын хандив өргөхөөр болсныг та бүхэнд дуулгахад таатай байна" гэж Цагаан ордоны хэвлэлийн албаны нарийн бичгийн дарга Сара Сандерс мэдэгджээ.

Одоогоор Харви хар салхи 39 хүний амийг авч оджээ. Мөн хохирлын хэмжээгээрээ АНУ-ын түүхэнд хамгийн хар ул мөртэйгээр тэмдэглэгдээд байгаа юм.

Дональд Трамп ирэх бямба гаригт байгалийн гамшигт нэрвэгдсэн Техас болон Луизана мужид очиж ажиллах юм байна.

М.Болджин