Дэлхийн хөлбөмбөгийн хамгийн өндөр цалинтай тоглогч, 33 настай аргентин довтлогч Карлос Тевес илүүдэл жингийн улмаас багаасаа хасагджээ. Хятадын "Шанхай Шэньхуа" багаас жилдээ 38 сая еврогийн цалин авдаг Тевес болон түүний багийн анд Фредди Гуарин нар бэлтгэл тааруу хийж, жингээ барьж чадаагүй тул дасгалжуулагч нь ойрын тоглолтуудад оролцуулахгүй байхаар шийдснээ зарлалаа.
"Тевесийн биеийн бэлтгэл дутуу байна. Гуарин тэр хоёр илүүдэл жинтэй. Би багийн тоглолтын үр дүн болон хөлбөмбөгчдийг бүрэн хариуцдаг. Тиймээс тэднийг талбайд гаргахгүй. Би олон одыг удирдаж үзсэн хүн. Талбайд хэн гарах нь хөлбөмбөгчийн нэр алдраас бус бэлтгэл хэр сайтайгаас хамаарна" хэмээн "Шанхай Шэньхуа"-гийн дасгалжуулагч өгүүлжээ.
Карлос Тевес Хятадын лигийн энэ улирлын тоглолтуудын хагасыг бэртлийн улмаас өнжсөн юм.
М.Болджин
Сэтгэгдэл (0)
Сэтгэгдэл бичигдээгүй байна