Рэп дуучин Канье Уэст болон реалити шоуны од Ким Кардашьян нар дахин хүүхэдтэй болохыг хүсчээ. Гэхдээ энэ удаад хүүхдийг Ким Кардашьян өөрөө тээлгүй, тээгч эх хөлсөлсөн байна. Өмнө нь хоёр удаа төрөхдөө Кардашьян цус алдаж, бие нь зовиурласан тул "Хөл хүндтэй байх хамгийн аймшигтай" гэж мэдэгдсэн удаатай. Тиймээс ч гурав дахь хүүхдээ тээгч эхээр гаргуулахаар болжээ.
Уэст болон Кардашьян нар тээгч эхэд маш хатуу дэглэм барихыг шаардаж байгаа гэнэ. Дэглэмийн дагуу тээгч эх өдөрт нэг аягаас илүү кофе уухгүй, загас идэхгүй, согтууруулах ундааны төрлийн зүйл хэрэглэхгүй, тамхи татахгүй, халуун шүршүүрт орохгүй, саунд суухгүй, урьдчилан мэдэгдэлгүйгээр ганцаараа гудамжаар зугаалахгүй гэх мэт олон хоригийг дагаж мөрдөх ёстой аж.
Тээгч эхийн нэр, дүр төрхийг одоогоор нууцалж буй бөгөөд Лос-Анжелест тусгайлан байшин худалдан авч, хоногийн зургаан ээлжтэйгээр бие хамгаалагчид аюулгүй байдлыг нь хангаж байгаа гэнэ.
"Хүүхдийг тээж төрүүлэх есөн сарын хугацааны нийт зардал ойролцоогоор 2 сая ам.долларт хүрч байгаа. Мэдээж, тэд эрүүл саруул хүүхэдтэй болж жаргалтай амьдруулахыг хүсч буй тул өдий хэмжээний мөнгө төлөхөөс татгалзаагүй" гэж Уэстийн гэр бүлийн ойрын гэх эх сурвалж өгүүлжээ.
Тохирох тээгч эхийг олохын тулд 68850 ам.доллар зуучлалын газарт төлсөн байна. Тээгч эхэд өөрт нь 45 мянган ам.доллар төлөхөөр урьдчилан тохиролцсон ажээ.
Уэст Кардашьян хоёр дөрвөн настай Норт Уэст охин, ой хагастай Сэйнт хэмээх хүүтэй.
М.Болджин
Сэтгэгдэл (0)
Сэтгэгдэл бичигдээгүй байна