АНУ-ын Миссури мужийн нэгэн эр сэтгэлт бүсгүйдээ тун романтик байдлаар гэрлэх санал тавихаар сэдэж, голын гүүрэн дээр дагуулан очжээ. Гэвч бөгжөө гаргаж өгөх үедээ усанд унагаж бүтэлгүйтсэн байна. Тэдний энэ сайхан агшинг хамтдаа хуваалцахаар ирсэн найз нөхөд гэр бүлийнхэн нь тэр даруй гол руу шумбан орж, бөгжийг хайсан ч олоогүй гэнэ.
"За яахав, сэтгэлт хос бөгжөө алга болгосон ч гэсэн тэдний нэг нэгнээ хайрласан сэтгэл хэвээр байгаа. Энэ бүтэлгүй хөгжилтэй явдлыг тэд гэр бүл болчихоод олон жил инээмсэглэн дурсах болно" хэмээн гэрэл зурагчин Стейси Дебни өгүүлсэн байна. Сүйн бөгж 4000 ам.долларын үнэтэй байсан гэнэ.
М.Болджин
Сэтгэгдэл (0)
Сэтгэгдэл бичигдээгүй байна