КИМ ЧЕН УНД ДОНАЛЬД ТРАМП ХОЧ ӨГЧЭЭ

АНУ-ын Ерөнхийлөгч Дональд Трамп БНСУ-ын Ерөнхийлөгчтэй утсаар ярихдаа БНАСАУ-ын залуу удирдагч Ким Чен Унд хоч өгчээ. "Пуужин хүний амьдрал ямархуу байгаа юм бол доо? Улсад нь бензиний урт оочер үүссэн гэх юм. Их муу байна!" хэмээн өгүүлжээ.

Хэдэн хоногийн өмнө Японы Хоккайдо арлыг давуулан Умард Солонгос пуужин харвасан. Тус явдлын талаар хоёр Ерөнхийлөгч ярилцахдаа ийнхүү "Пуужин хүн" хэмээх хочийг Ким Чен Унд өгчээ.

НҮБ-аас Умард Солонгост тавих эдийн засгийн хориг арга хэмжээг улам чангатгаж, бензиний нийлүүлэлтийг бараг бүрэн зогсоосон тул тус улсад бензиний урт оочер үүсээд байгаа ажээ.

М.Болджин