С.ЭРДЭНЭ: ЖИРГЭЭЧ ДЭД САЙД ГЭДЭГ БОЛ ҮНЭН ШҮҮ ДЭЭ

АН-ын дарга С.Эрдэнэ огцорсон засгийн газрын дэд сайд нарыг хийх юмгүй, твиттерт жиргэдэг хэмээн хэллээ. Тэрбээр "Төрийн сайд гэдэг чинь маш их нэр хүндтэй, өндөр үүрэг хүлээсэн албан тушаал шүү дээ. Хэн дуртай нь тэнд очоод суучихдаггүй байхгүй юу. Гэтэл сүүлийн Засгийн газрын дэд сайдуудыг харж байхад хийх ажилгүй. Чиг үүрэг нь тодорхойгүй. Ямар үүрэгтэй нь мэдэгдэхгүй л байна.

Жиргээч дэд сайд гэдэг бол үнэн шүү дээ. Твиттерт ороод харахад, нэр бүхий хэдэн хүн байнга юм бичээд. Сошиалын хэдэн залуустай хэрүүл хийгээд л байх юм билээ. Яасан ч завтай юм. Хийх ажилгүй хүмүүсийн л хийдэг юм байх даа, бодвол. Төрийн ёс жаяг гэж байна. Төрийн хүний амнаас гарч байгаа үг ямар байх ёстой билээ. Хариуцлага гэж бий. Яагаад тэр бүхнийг боддоггүй юм" гэжээ.