Австрийн Kreisel Electric компани дэлхийн анхны цахилгаан Hummer машиныг үйлдвэрлэж, дэлхийн нийтэд шинэ хүлгээ танилцуулах үүргийг Арнольд Шварценеггерт даалгажээ.
Анхны цахилгаан Hummer-ийг танилцуулах ёслолд алдарт жүжигчин, бодибилдингийн ертөнцийн хамгийн том тэмцээн "Мистер Олимп"-ийн долоон удаагийн аварга Арнольд Шварценеггерээс гадна Австрийн канцлер Кристиан Керн оролцсон байна.
Цахилгаан Hummer хоёр цахилгаан хөдөлгүүртэй бөгөөд 490 морины хүчтэй, 120 км/цаг хүртэл хурдлах чадалтай, бүрэн цэнэглээд 300 километр замыг туулах боломжтой ажээ.
"Тэд өнгөрсөн өвөл миний G-Class-ийг цахилгаан болгосон. Харин одоо Hummer-ийг цахилгаан болгочихлоо. Хэрвээ Kreisel-ийнхэн энэ хурдаараа ажиллаад байвал би мөдхөн Лос-Анжелесаас Европ руу цахилгаан онгоцоор нисдэг болох нь" хэмээн Арнольд Шварценеггер өгүүлсэн байна.
М.Болджин
Сэтгэгдэл (0)
Сэтгэгдэл бичигдээгүй байна