Европын Хөлбөмбөгийн Холбооны ээлжит бус чуулганы индэр дээрээс хөлбөмбөгийн түүхэнд цоо шинэ нэгэн тэмцээнийг зохион явуулахаар болсныг албан ёсоор зарлалаа. Энэхүү тэмцээнийг Үндэстний лиг хэмээн нэрлэсэн бөгөөд Европын Хөлбөмбөгийн Холбооны гишүүн 55 улсын шигшээ баг оролцох юм.
55 улсын шигшээ багийн нөхөрсөг тоглолтуудыг чансаа ойролцоо багуудтай тулдаг тэмцээн болгох зарчмыг ЕХХ баримтлан ийм шинэ тэмцээн сэдсэн байна.
55 улсын шигшээ багийг чансаагаар нь А, В, С, D гэсэн дөрвөн лигт хуваах ажээ. А лигт чансаагаар Европ тивд эхний 12 байрт орж буй 12 багийг оруулах ажээ. С лигт Европ тивд чансаагаар 13-24 дүгээр байрт орж буй 12 баг, С лигт Европ тивд чансаагаар 25-39 дүгээр байрт орж буй 15 баг, D лигт мөн тивдээ чансаагаараа 40-55 дугаар байрт орж буй 16 багийг оруулахаар болсон байна.
А болон В лиг нь тус бүртээ гурван багтай дөрвөн хэсгээс бүрдэх бол С лиг нь гурван багтай нэг хэсэг, дөрвөн багтай гурван хэсгээс бүрдэх ажээ. Харин D лигийг дөрвөн багтай дөрвөн хэсгээс бүрдүүлэхээр болсон аж.
Европын Үндэстний лигийн сугалаа 2018 оны нэгдүгээр сарын 24-нд явагдахаар товлогджээ. Харин тэмцээний эхний тоглолтыг 2018 оны есдүгээр сарын 6-нд хийхээр товлосон байна. Хэсэг бүртээ багууд нэг багтайгаа хоёр тоглолт /талбайдаа болон өрсөлдөгчийн талбайд/ хийх юм. А лигийн хэсэг тус бүрээ тэргүүлсэн багууд шөвгийн дөрөвт шалгарч, Үндэстний лигийн аваргын төлөө болон гуравдугаар байрын төлөө өрсөлдөнө.
Харин В, С, D лигийн хэсэг тус бүрийг тэргүүлэгч багууд дээд лигтээ дэвшинэ. Тэгвэл А, В, С лигийн хэсэг тус бүртээ хомоол хамсан багууд доод лиг рүүгээ унах юм байна.
М.Болджин
Сэтгэгдэл (0)
Сэтгэгдэл бичигдээгүй байна