Каталон салан тусгаарлахыг эрмэлзэж, ард түмний санал асуулга явуулж, Испанийн төр засаг түүнд нь саад хийж, улс төрийн хурц үйл явдлууд өрнөсөөр байна. Хөлбөмбөгийн хорхойтнуудын хувьд энэ үйл явдал "Барселона" болон "Эспаньол", "Жирона" зэрэг Каталоны багийн хувь заяатай холбоотой тул анхаарал татаж буй билээ.
Тэгвэл "Арсенал"-ын ахлах дасгалжуулагч Арсен Венгер "Барселона"-г Английн Премьер лигт орох боломжийн тухай бодлоо хэлжээ.
"Хэрвээ "Барселона" Премьер лигт орвол аварга болоход улам л хэцүү болно. Гэхдээ одоогоор энэ талаар тухайлан яриад байх хэрэг байхгүй байх гэж бодно. Испанид юу болж буйг сонирхон ажиглая. Тэндэхийн үйл явдал спортод ч нөлөө үзүүлэх магадлалтай.
"Барселона" бол их улстөржсөн клуб. Тэд ямар хариу үйлдэл хийх нь сонирхол татаж байгаа. Английн Премьер лигт хангалттай 20 баг бий. Гэхдээ тоог нь нэмж 24 болгох санаа ч байдаг. Гэвч Испанийн клубыг нэмэхээс өмнө эхлээд Шотландын багуудыг оруулах нь зүй ёсны хэрэг" гэж Венгер мэдэгджээ.
М.Болджин
Сэтгэгдэл (0)
Сэтгэгдэл бичигдээгүй байна