АНДЫН НУРУУНААС 34 ТАС ҮХСЭН БАЙДАЛТАЙ ОЛДЖЭЭ

Аргентин улсын Андын нуруунд үхсэн байдалтайгаар олдсон 34 тас шувууг хордож үхсэн байх магадлалтай гэж тус улсын эрх баригчид мэдэгдсэн байна. Шувуунууд газар унасан байсан боловч байгалийн жамаар үхээгүй гэж үзэж байгаагаас гадна үхсэн сүрэг шувууны 20 нь эр, 14 нь эмэгчин шувуу байсан гэж Мендоза мужийн байгаль хамгаалах байгууллага мэдээллээ. Шувуунууд нийслэл Буэнос Айрес хотоос мянган км-т байдаг Лос Моллес хэмээх ууланд байдаг 3000м-ийн өндрөөс олдсон байна. Эдгээр махчин шувууд нь хордсон байдалтай байгаагаас гадна нэг шилүүс, нэг ямаа нэг хонь олдсон байна. Мендоза мужийн байгаль хамгаалах байгууллагын Априан Горриндо "бусад үхсэн амьтад шувуудыг хордуулах золиос байсан байж болзошгүй. Эсвэл малчдын малаа хамгаалах гэсэн арга ч байж мэдэх юм" гэж хэлсэн байна. үхсэн малын сэг зэмээр хооллож, байгалийг цэвэрлэдэг тас шувууд нь далавчаа дэлгэсэн байхдаа 3м хүртэл урттай байдгаас гадна 70 хүртэл насалдаг дэлхийн хамгийн том шувуунд тооцогддог байна.