СИРИЙН ЧУУЛГА УУЛЗАЛТ СОЧИ ХОТОД ЭХЭЛЖ БАЙНА

ОХУ Сири улсын дайны дараах байдлын талаар хэлэлцэх уулзалтанд оролцохыг маргалдагч талуудад уриалсан боловч гол маргалдагч талууд уулзалтанд оролцохоос татгалзсан байна. Тус улсад эрх мэдлийн хуваарилаллт дахин явагдаж байгаа энэ үед Сирийн чуулга уулзалт Сочи хотод эхэлж байгааа юм. Энэхүү уулзалтанд сөрөг хүчний эвсэл "Эс Эн Си", Курдийн Уай Пи Жи бүлгүүд оролцохгүй гэдгээ мэдэгдсэн байна. НҮБ тусгай төлөөлөгч Стаффан Дэ Мистурааг илгээсэн бол тэрээр "Сочи хотод болж байгаа уулзалтыг ОХУ НҮБ-ын удирдаж байгаа энхийн хэлэлцээрийн нэг хэсэг гэж хэлсэн учраас энэ уулзалтанд явж байна. Энэ уулзалт нь Сирийн дотоод асуудлыг хэлэлцэх ажлыг сэргээхэд нөлөөлөх болно" гэж хэллээ. НҮБ-ын зуучлах оролдлого өнөөг хүртэл бүтэлгүйтсээр байгаа юм. Хамгийн сүүлд Вени хотод болсон уулзалтын дараа ч Сирийн мөргөлдөөнийг зогсоох боломж гараагүй байна. Сочи хотод болж байгаа энэхүү уулзалтыг Турк, Иран, ОХУ-ууд зохион байгуулж байгаа юм.