КАТАЛОНИ МУЖИЙН ЗАХИРАГЧИЙГ ТОМИЛОХ ХУГАЦААГ ХОЙШЛУУЛАВ

Каталоний парламентын дарга Рожер Торрент мужийн шинэ тэргүүнийг сонгох ажил тодорхойгүй хугацаагаар хойшлогдохоор болсон талаар мэдэгдлээ. Уг нь энэхүү асуудлыг орон нутгийн парламент мягмар гарагт хэлэлцэхээр төлөвлөсөн байсан юм. Торрент "Энэ албанд би өөр хэн нэгний нэрийг дэвшүүлэхгүй. Ерөнхийлөгч Карлес Пуигдэмонт энэ суудалд тохирох хууль ёсны эрхтэйгээс гадна тийм эрхтэй хүн. Тиймээс би Каталони мужийн парламентын бусад гишүүдийн улс төрийн эрхийг хамгаалдагийн нэгэн адилаар энэ хүний халдашгүй байдлыг хангах үүрэгтэй" гэж хэлсэн байна. Пуигдэмонт нь одоогийн байдлаар Брюсеел хотод байгаа бол өнгөрсөн 7хоногт Испаний шүүхээс салан тусгаарлагчийг эзгүйд Каталони мужийн захирагчаар томилох боломжгүй гэсэн шийдвэрийг гаргажээ. Тэрээр өнгөрсөн оны 10-р сарын сүүлчээр албан тушаалаас нь хүчээр буулгасны дараа баривчлагдахгүйн тулд Бельги улс руу зугтсан юм. Пуигдэмонт Испани улсад эргэн ирвэл шууд баривчлагдан мөрдөн байцаагдах, цаашлаад баривчлагдаж, хоригдох аюултай юм. Ерөнхий сайд Мариано Рахой цөллөгт байгаа улс төрчийг Каталони мужийн захирагчийн албанд өрсөлдөх эрхгүй гэж хэд хэдэн удаа мэдэгдэж байсан юм.