Д.ТРАМПЫН ТАВИХ ИЛТГЭЛИЙН ТАЛААРХ ТААМАГ ГАРЧЭЭ

"Нэгдсэн улсын байдал" гэсэн илтгэл нь Америкчуудын жил бүр болдог хамгийн чухал үйл явдлуудын нэг байдаг. Энэ жилийн илтгэлд ерөнхийлөгч Доналд Трамп ямар асуудлыг хөндөх талаар "Эн Би Си"-ийн сэтгүүлч Али Виталий урьдчилсан таамаг гаргасан байна. Тэрээр "Энэ өдөр ерөнхийлөгч Трампын хувьд маш чухал өдөр. Тэрээр Вашингтон хотод анх удаа "нэгдсэн улсын байдал" гэсэн илтгэлийг тавих болно. Одоогийн байдлаар цагаан ордон уг илтгэлд ямар асуудлууд хөндөгдөх талаар ямар нэгэн мэдээлэл хийгээгүй байгаа. Гэвч түүний хөндөх зарим сэдвүүд тодорхой юм. Эхний ээлжинд тэрээр ерөнхийлөгчийн үүргийг хүлээн авснаас хойш юу хийсэн талаараа дуул" ирээдүйн талаарх эерэг төлөвлөгөөнүүдийг танилцуулах болно. Гэхдээ тэрээр Америкдэлхий дахинд ямар байр суурийг эзэлж байгаа талаар бус, харин Трамп Америкийг ямар байр сууринд байлгахыг хүсч байгаа талаар ярих болно" гэж хэллээ. Али Виталий мөн Доналд Трампыг "сөрөг хүчинтэй хамтран ажиллах талаар ярих болно, мэдээж ерөнхийлөгч Твиттер цахим хуудсаараа ардчилсан нам болон улс төрийн сөрөг хүчнүүдийнхээ талаар хайр найргүй бичдэг болохоор гэнэтийн санагдаж мэдэх юм. Цагаачлал, дэд бүтцийн хуулиудыг гаргахыг хүсвэл сөрөг хүчинтэй хамтран ажиллах аргагүй болохоор аргагүй" гэж мэдэгдсэн байна. Гэвч ерөнхийлөгч Доналд Трампын "Нэгдсэн улсын байдал" илтгэлд Пуэрто Рикогийн нийслэл Сан Хуан хотын захирагч Юлин Круз нарын улс төрчид оролцох болохоор илтгэл амаргүй байж магадгүй гэж ажиглагчид үзэж байгаа юм. Учир нь Юлин Круз Мария хар шуурганы дараа Пуэрто Рикоод засгийн газраас тусламж дэмжлэг хангалтттай үзүлээгүй гэж шүүмжилж байсан юм.