ДОПИНГИЙН ШАЛГАЛТЫГ ХАТУУ ЯВУУЛНА ГЭЖ ОУОХ МЭДЭГДЛЭЭ

БНСУ-ын Пёнчан хотод явагдах Олимпийн өвлийн наадам эхлэхэд хэдхэн хоног үлдээд байгаа энэ үед ОУОХ- энэ удаагийн допингийн хяналт шалгалтурьд өмнө байгаагүй хатуу байх болно гэдгийг мэдэгдлээ. Өөрөөр хэлбэл наадмын үеэр болоод дараа нийт 2500 шинжилгээ, шалгалтыг авах юм байна. Энэ удаагийн хяналт шалгалтыг "Ай Ти Эй" хараат бус шинжилгээний байгууллага явуулахаар болжээ. Өвлийн олимпийн үеэр допинг илрүүлэх ажлыг сайруулахын тулд Сөүл дахь шинжилгээний лабораторийн ажиллагаанд хатуу хяналт тавьж байгаа юм. "Наадмын үеэр тэмцээнээс гадуур ч олон тооны хяналт шалгалт явуулах болно. Ийм хяналт үр дүнтэй гэдэг нь өмнөх тохиолдлуудаар батлагдсан. Тэмцээний үеэр амжилт гаргасан тамирчин бүр дараа нь шинжилгээнд хамрагдах ёстой гэдгийг мэдэж байгаа. Наадмын үеэр 1000 гаруй хяналт шалгалт явуулж, 1400 гаруй шинжилгээг бэлтгэлийн үеэр авах болно" гэж ОУОХ-ны анагаах ухааны салбар хариуцсан захирал Ричард Буджет мэдэгдсэн байна.