ЛАЛЫН УЛС БҮЛЭГ ВИДЕО БИЧЛЭГ АШИГЛАН ШИНЭ ГИШҮҮДИЙГ ЭЛСҮҮЛЭХ ОРОЛДЛОГО ХИЙЖ ЭХЭЛЛЭЭ

"Лалын улс" алан хядах бүлэг цахим сүлжээнд Парис, Лондон, Вашингтон хотууд халдлагад өртөж байгаа цуврал бичлэгүүдийг цацсаар байна. Энэ удаа тавигдсан бичлэгт алан хядах бүлгийнхэн Парисын захад байдаг газарт ирж, Францын байлдааны онгоцыг буудан дэлбэлж, зугтахыг оролдож байгаа хоёр цэргийн толгойд нь буудан хороосны дараа хотын билэгдэл болсон Эйфлийн цамхагийг устгаж байгаа талаар гардаг байна. Алан хядах бүлгийн гаргасан 4 дэх бичлэгийн зураг авалтыг хаана хийсэн нь одоогоор тодорхой байгаа боловч богино хэмжээний киног террористууд бүгдийг нь өөрсдөө хийгээгүй байна. Жишээлбэл Эйфлийн цамхагийг сүйтгэж байгаа хэсэг нь "Жи Ай Жои, Кобрагийн нууц даалгавар" киноноос тасдан авсан байжээ. Цуврал бичлэгүүдийн 3 дахь хэсэг олны анхаарлыг маш ихээр татаж байсан юм. Уг бичлэгт лалын улс бүлэг Вашингтон, Лондон хотуудыг байлдан дагуулж байгаа талаар гардаг байна. Цагаан ордныг алан хядагчид дэлбэлж байгаа хэсгийг мөн л киноны хэсгээс таслан авсан байжээ. Эдгээр бичлэгүүдийг тэд "London has fallen", "Olympus has fallen" зэрэг кинонуудаас авсан байна. Алан хядагчид эдгээр бичлэгүүдийг шинээр гишүүн элсүүлэх, үлдсэн гишүүдээ дахин идэвхжүүлэхэд ашиглаж байна. Лалын улс бүлэг хэвлэл мэдээллийн бүх хэрэгслийг ашиглаж байгаагаас кино материалуудыг хамгийн ихээр ашиглах болсон. Эдгээр видео эффектүүд биднийг гайхшруулахаа больсон" гэж Лалын улс бүлгийг судлаач Рафаэл Глук "Дейли Мейл" сонинд өгсөн ярилцлагадаа хэлсэн байна.