ТАМХИ БАГА ТАТАХ НЬ ӨВДӨХГҮЙ ГЭСЭН ҮГ БИШ

Лондон: Өдөрт ганц ширхэг тамхи татахад л зүрх судасны өвчлөл болоод цус харвах аюулд хүргэдэг байна. Хэдийгээр өдөрт хайрцаг тамхи татдаг хүний дэргэд нэг ширхэг тамхи татах нь харьцангуй бага мэт боловч үйлчлэх муу нөлөө нь яг адилхан байдаг гэж "Бритиш Медикал Журнал"-ын судлаачид хэлж байна. Татдаг тамхины тоогоо багасгах нь дээр дурьдсан өвчлөлүүдэд нөлөөлдөггүй бөгөөд зөвхөн тамхи татахаа больсон цагт л дээрх өвчнүүдээс салах боломжтой юм. "Олон хүн өдөрт ганц тамхи татахад эрүүл мэндэд тийм ч хортой биш гэж итгэдэг. Гэвч тийм биш болохыг зарим судалгаа харуулж байна. Эдгээр судалгаанууд тамхи бага татдаг хүмүүс ч зүрх судасны өвчнөөр өвчлөх магадлал бүр өндөр байдаг" гэж эрдэмтэд 1946-2015 онуудад явагдсан судалгаанууд дээр үндэслэн анхааруулж байна.