ОЛИВЫН ТОС ЕВРОПЫН ХАМГИЙН ИХ ХУУРАМЧААР ҮЙЛДВЭРЛЭГДДЭГ БҮТЭЭГДЭХҮҮН

Европт хамгийн их байдаг хуурамч бараа бол чидун буюу бидний нэрлэж заншсанаар оливийн тос юм. Тиймээс ч Европын орнууд зах зээл дээр борлуулагдаж байгаа чидун жимсний тосыг байнга шалгаж байдаг. Тиймээс ч бараа бүтээгдэхүүн хянан шалгах газар шинэ он гарсны дараа чидун жимсний хяналт шалгалтын тайлангаа танилцуулдаг уламжлалтай болоод байгаа юм. Гэхдээ тэд жил бүр үйлдэрлэгчийн нэрээр, хямд үнэтэйг гэх мэт өөр өөр зүйлд анхаардаг бол энэ жил хамгийн өндөр борлуулалттай тоснуудыг шалгалтанд оруулсан байна. Энэ жилийн шинжилгээнд хамгийн сайн чанарын гэгддэг нийт 27бүтээгдэхүүн хамрагдсанаас хуурамч том илрээгүй байна. Гэвч тэдний заримаас нь дутагдал илэрсэн нь мэдээж. Жишээлбэл судалгаанд хамрагдсан тоснуудын хамгийн сүүлчийн байранд орсон тос нь хуршсан амттай, өтгөрсөн мөн хуучирсан тос шиг байжээ. Судалаачид энэ тосыг удаан хадгалсан чидун жимсээр хийсэн байх гэж таамаглаж байгаа юм. Түүнээс гадна Грект үйлдвэрлэсэн хоёр тосны тэмдэглэгээ нь буруу байжээ. Эдгээр тоснуудыг хамгийн өндөр чанартай гэж тэмдэглэсэн байсан боловч амт нь төдийлөн сайн биш учир өндөр борлуулалттай тосны тоонд багтах ёсгүй байсан байна. Жил бүр бараа бүтээгдэхүүн хянан шалгах байгууллагын явуулдаг шалгалтын ачаар чидун жимсний тосны чанар сайжирч байгаа ч үнийн хувьд харьцангуй ялгаатай хэвээр байна.