А20 ХУРДНЫ ЗАМ ДЭЭР 95М УРТТАЙ НҮХ ГАРСАН БАЙНА

ХБНГУ-ын Мэклэнбург Форпоммерн мужийн А-20 хурдны зам дээрх нүх улам томорсоор байна. Нүхний урт нь 40м урттай байсан бол 95м болсон гэж Зам тээврийн яамны сайд мэдэгдлээ. Трибсээс хотоос баруун зүгт байх уг зам өнгөрсөн оны 9-р сард цөмөрсөн болохоор нүх нь томрох болно гэдгийг мэргэжилтнүүд мэдэж байсан боловч хэзээ гэдгийг нь хэлж чадахгүй байсан юм. Замын доод хэсэгт хүлэр гарч ирснээс болж ийнхүү цөмөрсөн гэж таамаглаж байгаа ч,замыг барих үеэр багана нь муу байсан, техникийг сайн шалгаагүй, эсвэл буруу тооцоолсон байж болзошгүй гэсэн таамгуудыг дэвшүүлж байна. Зам тээврийн яамнаас мөн замыг засварлах ажлыг төлөвлөж байгаагаас гадна тендерт оролцох хүсэлтэй компаниуд энэ сарын 22-ныг хүртэл материалаа ирүүлж болно гэж мэдэгдлээ. Ирсэн материалуудыг зургаан 7хоногийн дотор шалган ялагчийг тогтоох бөгөөд дахин зургаан 7хоногийн турш хүлээснээр өрсөлдөгч компаниудаас гомдол гаргаагүй тохиолдолд засварын ажлыг эхлүүлэх юм. А20 хурдны замыг засах ажил 2021он хүртэл үргэлжилнэ гэсэн урьдчилсан тооцоо гарсан байна. Уг зам нь Остзээ нуур руу явдаг аялагч, амрагчдын дайран өнгөрдөг гол зам юм.