РЭЙ АЛЛЕН ПОЛ ПИРСТ ХҮНДЭТГЭЛ ҮЗҮҮЛЛЭЭ

Хоёр өдрийн өмнө Бостон Сэлтикс баг довтлогч Пол Пирсийн дугаарыг мөнхөлсөн билээ. Тэр үеэр Бостон Сэлтикс багт тоглож байсан Кэвин Гарнет, Ражон Рондо, дасгалжуулагч Док Риверс нар хүрэлцэн ирсэн.

2008 онд аварга авсан их гурвын нэг болох Рэй Аллен тус өдөр хүрэлцэн ирж, Пол Пирст хүндэтгэл үзүүлээгүйд хүмүүс шүүмжлэлтэй хандаж байсан.

Тэгвэл Рэй Аллен өөрийн Инстаграм хуудсаар дамжуулан Пол Пирст баяр хүргэн, хүндэтгэл үзүүлжээ.

Пол Пирс ч дугаарыг нь мөнхлөх арга хэмжээний үеэр Рэй Аллены талаар өөрийн бодлыг хуваалцсан юм. Тэрээр "Өнөөдөр энд ирээгүй олон залуус байгаа. Тэгээд ч Рэй Миамид амьдардаг шүү дээ. Тиймээс би түүнд гомдоогүй ээ" гэж хэлсэн юм.

Пол Пирс, Рэй Аллен, Кэвин Гарнет нар нэгдсэнээр Бостон Сэлтикс багт 22 жилийн дараа анх удаа аваргын цом авчирч байсан билээ.