Сүүлийн жилүүдэд өрх толгойлсон ганц бие аавуудын тоо ихээр нэмэгдэж байна. Энэ нь гэрлэлт нэмэгдэж, хүүхэдтэй гэр бүлүүд салах явдал газар авсантай холбоотой юм. Канад улсад явагдсан нэгэн судалгаанаас харахад ганц бие аавуудын нас баралт өндөр байдаг байна. "Бидний явуулсан судалгаа ганц бие аавуудын наслалт богино байгааг баталж байна. Тийм болохоор эдгээр эрэгтэйчүүдийг олж, тэдэнд нийгмийн эрүүл мэндийн тусгайлсан дэмжлэг үзүүлэх шаардлага тулгараад байна. Хэдийгээр судалгаагаараа бид яг ямар шалтгаанаар гэдгийг судлаагүй боловч ганцаараа хүүхдүүдээ өсгөдөг аавууд амьдралын эрүүл бус хэв маягтай болдог нь анзаарагдсан. Эрүүл мэндийн салбарууд энэ тал дээр анхаарч ажиллах цаг болж" гэж уг судалгааг явуулсан Торонто хотын их сургуулийн Мария Чиу хэллээ. Судалгаанд Канад улсын 40490 иргэн оролцсон байна. Өрх толгойлсон ганц бие аавууд хөгширчнийхөө дараа хавдар болон зүрх судасны өвчнөөр өвчлөх явдал элбэг тохиолддог байна. Тэд жимс, ногоо бага хэрэглэж согтууруулах ундааг хэтрүүлэн хэрэглэдэг байна.
Сэтгэгдэл (0)
Сэтгэгдэл бичигдээгүй байна