“GALAXY S9”-ИЙГ ТАНИЛЦУУЛЖ БАЙНА

Ням гарагт Барселон хотод "Mobile World Congress" буюу дэлхийн харилцаа холбооны үзэгслэн яармаг нээлтээ хийнэ. Энэ үеэр "Galaxy S9" загварын ухаалаг утас анх удаа олны хүртээл болох юм. Үзэгслэн яармаг эхлэхэд хэдхэн хоног үлдээд байгаа энэ үед шинээр гарах загварын үзүүлэлтийн талаар олон таамаг яригдах болоод байгаа юм. "Самсунг" концерн шинэ бүтээгдэхүүнээ нууцалж байгаа ч "WinFuture"-ээс Өмнөд Солонгосчуудын "Galaxy S9" утасны техникийн үзүүлэлтийг мэдэх боломжтой гэж иргэд хэлж байна. Уг сайтад бичсэнээр бол шинэ загвар өмнөх "Galaxy S8" загвараасаа төдийлөн их ялгагдахгүйгээс гадна дэлгэцийн доод талын захын хэсэг нарийсч, усны хамгаалалттай гэр нь шинэлэг өнгөтэйгөөс гадна ард нь байрлаж байсан хурууны хээ танигчийг камерын доод талд байрлуулжээ. Хамгийн том өөрчлөлтбол энгийн загвар нь 5,8 инч, "Galaxy S9 Plus" загвар нь 6,2инчийн дэлгэцтэй, камер болон аудио бичлэгийн чанарыг сайжруулсан байна. "Galaxy S9" ухаалаг утасны гол камер 12мегапиксел нягтаршилтай, камерын гэрэл нь олон төрлөөр асаах боломжтой тул ямар ч тохиолдолд сайн зураг авах боломжтой юм. "Galaxy S9 Plus" загварын хоёр дахь камер нь мөн л 12мегапиксел нягтаршилтай, аль аль загвар нь фокус автоматаар тохируулдаг, наашаа харсан камер нь 8мегапиксел нягтаршилтай ажээ. Шинэ загварын утаснуудад "AKG" компаний стерео чанга яригч суурилуулснаас гадна тус компаний чихэвчийг дагалдуулж байна. "Galaxy S8" анх 800еврогийн үнээр зарагдаж байсан бол "Galaxy S9" загварын ухаалаг утсыг зах зээлд 900еврогоор борлуулагдах болно гэж ажиглагчид үзэж байна.