ЛИВИ УЛС 250 ДҮРВЭГЧИЙГ НУТАГ БУЦААЛАА

Ливи улс Нигери болон бусад Африкийн орнуудаас ирсэн 250дүрвэгч иргэнийг эх оронд нь буцаагаад байна. Ийнхүү нутагтаа буцаж байгаа иргэдийн ихэнх нь Лиийн Мисрата хотод ажиллаж амьдарч байжээ. Даваа гарагт Ливийн эргийн хамгаалалтын алба Хойд Африкийн эргийн ойролцоо явж байсан 300 дүрвэгчийг хийлдэг завин дээрээс аварсан байна. Ливиэс Италиулсаар дамжин Европын орнууд руу гарах зорилготой дүрвэгсдийг хууль бус тээвэрлэгчид хийлдэг завинд суулган хойд зүгийг чиглүүлэн орхисон байна. Дүрвэгсдийн асуудал хариуцсан байгууллагын мэдээлж байгаагаар энэ удаа буцаж байгаа иргэдийн зарим хэсэг нь НҮБ болон Ливийн эрх баригчдын зохион байгуулж байгаа өөрийн хүслээр нутаг буцах төсөлд хамрагдаж байгаа иргэд юм.